Azərbaycan və Rusiya istehkamçıları azad olunmuş ərazilərdə nə qədər mina aşkarlayıblar? – VİDEO

Rusiya Federasiyası Mülki Müdafiə, Fövqəladə Hallar və Təbii Fəlakətlərin Nəticələrinin Aradan Qaldırılması üzrə Nazirliyinin pirotexniklərdən ibarət qrupu Azərbaycan Respublikası Fövqəladə Hallar Nazirliyinin əməkdaşları ilə birlikdə işğaldan azad olunmuş torpaqlarımızın minalardan təmizlənməsi əməliyyatını davam etdirir.

Bununla bağlı Azərbaycan Fövqəladə Hallar Nazirliyi məlumat yayıb.

Bildirilib ki, birgə fəaliyyət nəticəsində bu günədək, ümumilikdə, 880 ədəd mina və 27 ədəd partlamamış sursat aşkar olunaraq müvafiq qaydada zərərsizləşdirilib.

Minalardan 390 ədədi piyada əleyhinə, 490 ədədi isə tank əleyhinə olan minalardır.