“Azərbaycanın Zəfərinin arxasında Ulu Öndər Heydər Əliyev tərəfindən qoyulan uğurlu siyasət dayanır”
Bu gün inkişafına görə regionun lider dövləti olan Azərbaycan öz tarixinin ən şanlı dövrünü yaşayır. Bu da səbəbsiz deyil. Belə ki, ötən il sentyabrın 27-dən noyabrın 10-dək davam edən Vətən müharibəsi zamanı düşmənə sarsıdıcı zərbə vuraraq torpaqlarımız işğaldan azad edən rəşadətli ordumuz Zəfər dastanını yazdı. Heç şübhəsiz ölkəmizin bu uğurunun, bu Zəfərinin arxasında məhz əsası Ulu Öndər Heydər Əliyev tərəfindən qoyulan və cənab Prezident İlham Əliyev tərəfindən davam etdirilən uğurlu siyasət dayanır. Onu da qeyd etməyi özümə borc bilirəm ki, Azərbaycanı hər keçən gün yeni-yeni uğurlara aparan bu siyasətin reallaşdırılmasında Ulu Öndərin qurucusu olduğu Yeni Azərbaycan Partiyasının (YAP) da müstəsna xidmətləri olub. Daim yeniləşən, sıralarında ölkənin tanınmış simalarını, fəal gəncləri birləşdirən, nəinki Azərbaycanın, Cənubi Qafqazın ən böyük siyasi partiyası olan Yeni Azərbaycan Partiyası hazırda cənab Prezident İlham Əliyevin Sədrliyi ilə öz fəaliyyətini uğurla davam etdirir.
ARANTV.AZ bildirir ki, bunu Trend-ə Milli Məclisin deputatı, Yeni Azərbaycan Partiyasının Təftiş Komissiyasının üzvü Vüqar İskəndərov deyib.
Deputat bildirib ki, ölkənin aparıcı siyasi qüvvəsi olan YAP-ın bütün tədbirləri, bütün qurultayları öz əhəmiyyətinə görə hər zaman yerli və xarici müşahidəçilərin diqqət mərkəzində olub: “Partiyamızın Vll qurultayı isə bu baxımdan xüsusi olaraq fərqləndi. Bu da səbəbsiz deyil. Çünki YAP-ın Vll qurultayı Azərbaycanın Vətən müharibəsində möhtəşəm qələbəsi ilə şərtlənən ölkəmizdə və ölkəmizlə bağlı dünyada formalaşmış yeni reallıqlar dövrünə təsadüf edir. Bildiyiniz kimi cənab Prezident İlham Əliyev qurultayda yeni dövrdə partiyanın qarşısında yeni vəzifələr müəyyənləşdirib, onların həyata keçirilməsi üçün tapşırıq və tövsiyələrini verib”.
“Bu tapşırıq və tövsiyələrdən irəli gələrək partiyamızın qarşısında duran vəzifələr barədə bir qədər sonra ətraflı məlumat verəcəm” deyən Vüqar İskəndərov qurultayın həm də partiyanın struktur baxımından yenilənməsi və 6 partiyanın YAP-a qoşulmaları barədə qərar vermələri baxımıdan da yaddaqalan olduğunu deyib.
Deputat bildirib ki, gələn il YAP-ın 30 illik yubileyidir: “Bu 30 illik yubileyinə yeniləşmiş formatda, daha fəal qədəm qoyan partiyamızın qarşısında yeni hədəflər və məqsədlər dayanır. Yəni, cənab Prezidentin qurultaydakı nitqindən irəli gələrək Yeni Azərbaycan Partiyasının qarşısında bir sıra mühüm vəzifələr durur. Əvvəla cənab Prezidentin bəyan etdiyi kimi Azərbaycanda bütün sahələrdə, o cümlədən siyasi islahatlar sahəsində ən müasir təcrübə tətbiq edilməlidir ki, bu məsələdə də partiyamız öz üzərinə düşən vəzifənin uğurla icra etmək üçün çalışacaq. Heç şübhəsiz burada partiyanın rəhbər orqanlarında təmsil olunan üzvlərin fəallığı da mühüm əhəmiyyət kəsb edəcək. Yəni, bu fəallıq fonunda həm partiyamızın fəaliyyətinə əlavə güc qatılacaq, həm də ümumi işimizə töhfə veriləcək. Beləliklə, əminəm ki, partiyamız bundan sonra da ölkəmizin aparıcı siyasi qüvvəsi olaraq ön sırada gedəcək”.
V.İskəndərov deyib ki, qarşıda duran vəzifələrdən biri də partiyanın yeni proqramının hazırlanması ilə bağlıdır: “Məlum olduğu kimi cənab Prezident yeni proqramın hazrılanması üçün partiyanın idarə heyətinə 3 ay vaxt verdi. Bu proqram yeni dövrlə bağlı bütün məsələləri özündə ehtiva etməlidir”.
“Cənab Prezidentin qarşıya qoydğu digər mühüm vəzfələrə gəlincə, məlum olduğu kimi Azərbaycan dövləti şəhid ailələrinə və qazilərə hərtərəfli yardım göstərir, YAP da bu kateqoriyadan olan insanlara daim qayğı və diqqət göstərməlidirlər. Eyni zamanda, dövlət başçısının bəyan etdiyi kimi biz Böyük Qayıdış proqramı icra olunmağa başlayanda məcburi köçkünlərin öz doğma torpaqlarına qaytar…
