:ŞƏHİDLƏR VƏTƏN DAŞI,YURDUN VƏTƏNDAŞIDIR:PALKOVNİK LEYTENANT ŞƏHİD QƏRİB BAXŞƏLİYEV
Şəhidlər Vətən Daşı, Yurdun Vətəndaşıdır.
İllərdir qanayan yaramız, Qarabağımız artıq azaddır.Şəhidlərimizin qanı, Əsgərləmizin şücaəti hesabına qaytarılan Qarabağ artıq azaddır.Ali baş komandanımız cənab İlham Əliyevin 2020-ci il 27 sentyabrda başlatmış olduğu ‘’Dəmir Yumruq’’ əməliyyatı nəticəsində Dağlıq Qarabağ erməni qəsbkarlarından azad edilmişdir.1992- 1993 cü ildən işğal altında qalmış Cənnət Qarabağımıza artıq gün doğdu.
Azərbaycan Respubilkasının rəşadətli Ordusu sadəcə 44 gün ərzində 30 il işğal altında qalmış Qarabağı azad etdilər.Döyüş itkisiz olmur.İkinci Qarabağ müharibəsində minlərlə igidimiz Şəhid oldu.Allah bütün Şəhidlərimizə rəhmət eləsin.Onların ailə və yaxınları qarşısında baş əyir,yaralı Qazilərimizə Allahdan şəfa diləyirik.
Görkəmli Türk şairi Mehmet Akifin İstiqlal marşından misralar gətirmək istəyirəm.
Basdığn yerləri toprak deyerek geçme Tanı.
Düşün altında binlerce kefensiz yatanı. Torpağın altında vətən üçün, millət üçün canından keçmiş minlərcə qəhramanımız yatır .Bu gün biz Azərbaycan Respubilkasının ərazi bütövlüyü uğrunda şəhid olmuş polkovnik-leytnant Qərib Baxşəliyev haqqında danışacağıq.Adı Vətən müharibəsinin qızıl salnaməsinə düşən Qızıl Adam kimi, tanınan Azərbaycan ordusunun polkovnik-leytenantı Qərib Baxşəliyev. Əslən Laçın rayonundan olan Q.Baxşəliyev 1977-ci ildə mayın 22-də Bakı şəhərində anadan olmuşdur.1983-1994-cü illərdə Bakı şəhəri Nərimanov rayonu 82 saylı məktəbdə təhsil almışdır.1995-ci ildə Ali Hərbi Məktəbə qəbul olmuş 1999-cu ildə bitirmişdir.1999-cu ilin iyul ayından 2000-ci ilin dekabr ayına qədər Tərtər rayonunda 703 saylı hərbi hissədə motoatıcı taqım komandiri , 2000-ci ilin dekabr ayından 2002-ci ilin dekabr ayına qədər C.Naxçıvanski adına Hərbi liseydə taqım komandiri, 2002-ci ilin dekabr ayından 2010-cu ilin yanvar ayına qədər.
C.Naxçıvanski adına Hərbi liseydə tədris bölük komandiri,2010-ci ildən 2014 –cü ilin fevral ayına qədər C.Naxçıvanski adına Hərbi liseydə tərbiyəvi işlər bölməsində psixoloq vəzifələrində xidmət etmişdir.2016-2019-cu illərdə Naxçıvan Muxtar Respubilkasında,daha sonra isə Bakıda Heydər Əliyev adına ali hərbi məktəbdə hərb tarixindən dərs demişdir.Ordumz üçün zabit heyətinin hazırlanmasında bilik və bacarıqlarını əsirgəməmişdir.Azərbaycan Ordusunun polkovnik-leytenantı olan Qərib Baxşəliyev 2020-ci ilin sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərimizin azad edilməsi üçün başlanan Vətən müharibəsi zamanı bir neçə rayonun azad olunması uğrunda döyüşlərdə iştirak etmişdir.Daima qəlbi vətən eşqi ilə döyünən Qərib Baxşəliyev Noyabrın 6-da Zəngilan döyüşləri zamanı qəhrəmancasına Şəhidlik zirvəsinə ucalmışdır.Çox təssüflər olsun ki, Şəhidimizin nəşi 1 aydan çox erməni girovluğunda qalmışdır.Uzun müddət davam edən danışığlardan sonra Şəhidimizin nəşi dekabrın 8-də ailəsinə təhvil verildi və II Fəxri Xiyabanda dəfn olundu.Azərbaycanın ərazi bütövlüyü uğrunda döyüş əməliyyatlarına qatılan və hərbi hissə qarşısına qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020 – ci il tarixli Sərəncamına əsasən Qərib Baxşəliyev ölümündən sonra ‘’Vətən uğrunda’’ medalı ilə təltif edildi.
Qərib Baxşəliyev ailəli idi və 3 övladı var.Şəhidlər unudulduğu zaman ölürlər onlar bizim əbədi qəhrəmanlarımızdır. Vətən torpağını qanı, canı bahasına qoruyan İgidlər Ruhunuz şad olsun. Şəhidimizə Allahdan Rəhmət, ailəsinə və yaxınlarına səbr diləyirəm.Nur üzlü Şəhidim Rahat uyu uğrunda vuruşduğun Vətən Torpağın azaddır..!
Gəldi ürəkdəki arzular dilə,
Silahı məhəbbət, son sözü Vətən.
Şəhidlər göstərdi ölümləri ilə,
Ölüm aşağıdır Vətən eşqindən.
Adımız dolaşdı bütün dünyanı,
Çox da ki, ağımız qara yozuldu.
Azadlıq yolunda ölümlərə də
Hazır olduğunu göstərdi xalqım.
ŞƏBNƏM SƏLİMLİ.
AZƏRBAYCAN TURİZM VƏ MENECMENT UNVERSİTETİ.lll kurs.Tələbə
