Praqada yaşayış binasında baş verən yanğın nəticəsində 6 uşaq yaralanıb
Praqa şəhərində mənzildə baş verən yanğın nəticəsində ən azı 14 vətəndaş, o cümlədən yeddi yaşınadək altı uşaq yaralanıb.
ARANTV.AZ Trend-ə istinadən xəbər verir ki, bu barədə jurnalistlərə Çexiyanın birləşmiş təcili yardım xidmətinin nümayəndəsi Yana Poştova bildirib.
Bildirilib ki, iki uşağın vəziyyəti ağırdır. Onlar reanimasiyaya yerləşdirilib. Onlardan biri həkimlər tərəfindən süni koma vəziyyətinə salınıb.
Yanğının səbəbləri polis tərəfindən araşdırılır.
