Rusiya sülhməramlıları Xankəndidə 9 May paradına hazırlaşırlar
Rusiya Müdafiə Nazirliyinin yaydığı məlumata görə, Qarabağda yerləşdirilən Rusiya sülhməramlı kontingentinin hərbi qulluqçuları Böyük Vətən Müharibəsində Qələbə gününə həsr olunan paradın təlimlərinə başlayıblar.
ARANTV.AZ erməni mediasına istinadla xəbər verir ki, Xankəndi aerodrimunda keçirilən təlimlərdə 400-ə yaxın rus hərbçi iştirak edir.
Rusiyanın Dağlıq Qarabağdakı sülhməramlı kontingentinin əsasını təşkil edən Mərkəzi Hərbi Dairənin 15-ci ayrı motorlu tüfəng briqadasının (sülhməramlı) şəxsi heyəti təntənəli yürüşün keçməsi üçün məşqlərdə iştirak edirlər.
Təlimlərə Humanitar Reaksiya Mərkəzinin bölmələri, hərbi polis, xüsusi təyinatlı tibbi hissə, Rusiya sülhməramlı kontingentinin komanda qrupu, eləcə də maddi-texniki dəstək bölmələri də qatılıblar.
