TAP Avropa bazarında rəqabətliliyi və qaz təchizatının təhlükəsizliyini artıracaq – Aİ Şurası
Azərbaycan qazının Avropaya nəql olunduğu Trans-Adriatik boru kəməri (TAP), eləcə də Bolqarıstan-Rumıniya-Macarıstan-Avstriya boru kəməri (BRUA) və Xorvatiyanın Krk adasında mayeləşdirilmiş qaz terminalı Avropa bazarında rəqabətliliyi və qaz təchizatının təhlükəsizliyini artıracaq.
ARANTV.AZ Trend-ə istinadən bildirir ki, bu barədə Avropa İttifaqı Şurasının bəyanatında deyilir.
Qeyd olunub ki, bu vacib infrastrukturlar regionda qaz tədarükü mənbələrinin şaxələndirilməsini də təmin edəcək:
“Avropa İttifaqı Şurası Yunanıstan-Bolqarıstan (IGB) interkonnektoru layihəsi çərçivəsində davam edən tikinti işlərini müsbət qəbul edir. Layihənin reallaşdırılması müddətləri 2022-ci ilin iyuluna keçirilib. Təşkilat layihənin təşəbbüskarlarını və bütün maraqlı tərəfləri layihənin vaxtında başa çatdırılması, Bolqarıstanın və Cənub-Şərqi Avropanın digər hissələrində yeni qaz mənbələrinə çıxışın asanlaşdırılması üçün səyləri artırmağa çağırır”.
