YAP Bərdə rayon təşkilatında rayonun bu il ali məktəblərə qəbul olunan Vətən müharibəsinin şəhid övladları ilə görüş keçirilmişdir+FOTOLAR
Bu il Vətən müharibəsi hərbi şəhidlərindən rayonumuzdan olan baş leytenant Şəmilov Azər Elyas oğlunun övladı Fədayət Şəmilov, çavuş Şükürov Sərvan Sərxan oğlunun bacısı Cəmalə Şükürlü və mülki şəhid Mirzalıyev Çərkəz Xanlar oğlunun övladı Zülfiyyə Mirzalıyeva ali məktəbə qəbul olunublar.
YAP Bərdə rayon təşkilatında şəhidlərimizin bu il tələbə olmuş övladları ilə görüş zamanı YAP rayon təşkilatının baş təlimatçısı Cavid İbişov onları təbrik edərək bildirmişdir ki, 2020-ci il ölkəmiz üçün Qələbə ili kimi tarixə düşdü.Ölkə Prezidenti cənab İlham Əliyevin uzaqgörən və qətiyyətli siyasəti, xalqımızın birliyi və müzəffər Ordumuzun peşəkarlığı sayəsində torpaqlarımız mənfur düşmən işğalından azad edildi. Ölkəmizin ərazi bütövlüyü təmin edildi.Qəhrəman gənclərimizin Vətən uğrunda göstərdiyi fədakarlıqlar dövlətimiz tərəfindən yüksək qiymətləndirilir. Onların hər biri orden və medallarla təltif olunmuş, ailələri dövlətin diqqət və qayğısı ilə əhatə olunmuşlar. Biz seviniri ki, siz də onlar kimi vətənə layiqli övladlar kimi yetişmisiziniz. İnanırıq ki, oxuduğunuz ali məktəblərdə dövlətimizin və şəhidlərimzinin adına layiq olacaq, mətinləşəcəksiniz.
Partiya fəalı, “Muzey” ərazi ilk partiya təşkilatının sədri Arifət Əhmədova şəhidlərimizin tələbə övladlarına uğurlar arzulayaraq, xalqımızın igid şəhid və qazi oğulları ilə fəxr etdiklərindən danışmışdır.
Ölkə Prezidentinin Sərəncamı ilə “Vətən uğrunda” və “Suqovuşanın azad olunmasına görə” medalları ilə təltif olunmuş şəhid çavuş Şükürov Sərvanın atası Sərxan Şükürov görüş zamanı çıxış edərək bütün şəhid ailələri adından minnətdarlığını bildirmiş, möhtərəm Prezidentimiz cənab İlham Əliyev və ölkənin Birinci Vitse-prezidenti Mehriban xanım Əliyeva tərəfindən dövlət səviyyəsində şəhid ailələrinə göstərilən diqqət və qayğıdan məmnun olduqlarını ifadə etmişdir.
Sonda tələbə adını qazanmış şəhid övladlarına qiymətli hədiyyələr verilmiş və onlarla birlikdə xatirə şəkli çəkdirilmişdir.
