Müəllim ustaddır, öyrədəndir, həyata vəsiqə verəndir
Müəllim dünyada ən böyük addır, şəxsən mən yer üzərində müellimdən yüksək ad tanımıram.
Umumilli lider Heydər Əliyev.
“Hər birimizdə müəllimin hərarətli qəlbinin bir zərrəciyi var. Mən dünyada müəllimdən şərəfli ad tanımıram”
Ümummilli Lider Heydər Əliyev
5 oktyabr dünya ictimaiyyətinin məhəbbətlə qarşıladığı və daim qəlbində gəzdirdiyi müəllimlərin peşə bayramı, Beynəlxalq Müəllimlər Günüdür. 5 oktyabr tarixinin qeyd edilməsinə dair qərar ilk dəfə 1966-cı il oktyabrın 5-də YUNESKO tərəfindən verilib. Təşkilat tərəfindən müəllimlərin statusunun artırılması ilə bağlı tövsiyə xarakterli sənəd qəbul edilib. İndi dünyanın 100-dən çox ölkəsində oktyabrın 5-də müəllimlər peşə bayramlarını qeyd edirlər. Bu bayramın beynəlxalq səviyyədə keçirilməsi, həqiqətən də, böyük sevginin bəşəri təcəssümünü özündə ehtiva edir. Ağıl və elm kimi dünyaya məxsus olan açarın milyonlarla insanlara əxzində, məhz müəllim qüdrəti, müəllim əməyi əvəzsiz və sonsuzdur. Odur ki, bəşəriyyət formalaşdığı bir zamandan müəllimə olan münasibət fərqli məcrada özünü göstərə bilmişdir. Müəllim ustaddır, öyrədəndir, həyata vəsiqə verəndir.
Bu cur məfhumları özündə cəmləşdirən peşə sahibinin peşə bayramının respublika səviyyəsində qeyd olunması ona olan qiymətin bir ölçüsüdür. Dünyanın bütün peşə sahiblərini həyata hazırlayan elə müəllimdir. Bu baxımdan, müəllimlik peşəsi heç bir peşə ilə müqayisəyə gəlməyən bir nümunədir. Dünyanın ən müdrik simaları, liderləri, böyük şəxsiyyətləri, beynəlxalq aləmin hegemon qüvvələri bu ad qarşısında adiləşir, öyrənməyə və nəyisə əxz etməyə çalışırlar. “Hər birimizdə müəllimin hərarətli qəlbinin bir zərrəciyi var. Mən dünyada müəllimdən şərəfli ad tanımıram”, – deyən Ümummilli Lider Heydər Əliyev, Azərbaycana rəhbərlik etdiyi bütün illərdə, müəllim əməyini yüksək qiymətləndirib, onlara böyük hörmətlə yanaşıb, təhsil işçilərinin maddi vəziyyətinin, rifah halının yaxşılaşdırılmasının qayğısına qalıb. Hər yerdə olduğu kimi, Azərbaycanda da müəllimə qarşı böyük bir imic formalaşıb, hər kəs onun şəxsiyyətinə və böyüklüyünə hörmətlə yanaşır .
Müəllim olan yerdə nə lazım günəş,
Onsuzda günəşdir, özü müəllimin.
Müəllim olan yerdə nə lazım atəş
Bir oddur, alovdur, sözü müəllimin.
Qəlbi bir dəryadır, arzusu ümman
Onda var məğrurluq, onda var inam
Bir şagird məktəbə gəlməyən zaman
Dikilər yollara gözü müəllimin.
Sonda bu fikrimi qeyd etməsəm özümə yer tapa bilmərəm Bərdə Dövlət İdraetmə Və Texnologiya Kollecinin müəllimləri öz vəzifə borcu naminə deyil. Biz tələbələrə o qədər qayğı göstərirlər ki özümüzü sanki doğma evimizdə kimi hiss edirik.Buda biz gənclərdə sərbəstlik yaradır ki əvəzində biz gənclər bu gün istər müəllimlər istərsə də cəmiyyət qarşında sərbəst fikir və ideyalarımızı bildirik .Bizim müəllimlər biz gənclərə dəstək olaraq gələcəyin istedadlı şəxsləri yetişdirir .Çox sag olun əziz müəllimlərim siz tələbələrin parlaq səbəbkarsınız .
Bərdə Dövlət İdaretmə Və Texnologiya Kollecinin Tələbə Gənclər Təşkilatının nəznində olan Milli Qəhraman Səfiyar Behbudov adına “Hərbi Vətənpərvərlik ” Klubunun sədri Aynur Əliyeva
