Əri tərəfindən döyülən qadının 5 qabırğası sınıb
Bakıda ağır xəsarətlə nəticələnən döyülmə hadisəsi baş verib.
ARANTV.AZ xəbər verir ki, hadisə Səbail rayonunda qeydə alınıb.
Ailə münaqişəsi zəminində həyat yoldaşı tərəfindən döyülən 1975-ci il təvəllüdlü Əliyeva Xatirə İbrahim qızı təcili tibbi yardımın köməkliyi ilə xəstəxanaya çatdırılıb.
Müayinə zamanı ona sol tərəfli 5 ədəd qabırğanın sınığı və döş qəfəsin küt travması diaqnozları qoyulub.
Polis hadisənin təfərrüatını araşdırır.
