“Böyük Qayıdış”ın uğurlu icrası əsl fədakarlıq nümunəsidir
2020-ci il sentyabrın 27-də işğalçı Ermənistanın silahlı qüvvələrinin cəbhəboyu genişmiqyaslı təxribat törətməsinə cavab olaraq Azərbaycan Ordusu əks-hücum əməliyyatına başladı. Qırx dörd gün davam edən Vətən müharibəsi təxminən otuzillik işğala son qoyulması və ərazi bütövlüyümüzün bərpası ilə nəticələndi. Müzəffər Ali Baş Komandan İlham Əliyevin rəhbərliyi ilə qazanılmış möhtəşəm Zəfər tariximizə qızıl hərflərlə yazıldı.
Bu gün qırx dörd günlük Vətən müharibəsində şanlı Qələbə qazanaraq ərazi bütövlüyünü təmin edən Azərbaycan öz gücü ilə əbədi azadlığına qovuşmuş Qarabağ və Şərqi Zəngəzura “Böyük Qayıdış” proqramını uğurla icra edir. Ölkəmizin başçısının azad edilmiş rayonlara çoxsaylı səfərləri zamanı strateji infrastruktur obyektlərinin açılışı, yenilərinin təməlinin qoyulması, Zəfər yolunun və Qarabağın “hava qapısı” Füzuli Beynəlxalq Hava Limanının istifadəyə verilməsi, eləcə də 2022-ci ilin ölkəmizdə “Şuşa İli” elan edilməsi doğma torpaqlarımızın dirçəldilməsinin təminatı olub.
Prezident İlham Əliyev yanvarın 12-də yerli televiziya kanallarına müsahibəsində bir daha bildirib ki, Qarabağda başlanan bərpa-quruculuq işləri gündən-günə sürətlənir, genişmiqyaslı layihələr uğurla icra olunur. İnfrastruktur xarakterli tədbirlər- su, elektrik, istilik və s. təchizat sahələrində ciddi addımlar atılır. Ötən il işğaldan azad edilmiş ərazilərdə bərpa-yenidənqurma istiqamətində irimiqyaslı planların həyata keçirilməsi ölkəmizin başçısının rəhbərliyi ilə dogma torpağımıza, tariximizə dərin bağlılığın göstəricisi, əsl vətənpərvərlik nümunəsidir. Belə ki, 2021-ci ildə ilk növbədə ərazilərin minalardan təmizləmə işləri aparılması istqamətində mühüm addımlar atılıb. Dövlət başçısının qeyd etdiyi kimi, baş planı hazır olan şəhərlərin, xüsusii ilə də Şuşa və Ağdam şəhərlərinin minalardan təmizlənməsi prosesi sürətlənib. Mürəkkəb relyefli dağlıq ərazilərdə, xüsi ilə də Laçın və Kəlbəcər rayonlarının Ermənistanla həmsərhəd olan hissələrində hərbçilərimizin normal xidmət aparması üçün elektrik təssərrüfatının, müasir infrastrukturun yaradılması sahəsində mühüm addımlar atılıb. Təkcə Kəlbəcər, Laçın, Zəngilan, Qubadlı, Ermənistanla həmsərhəd olan yerlərdə 700 kilometrə yaxın yol çəkilib. Eyni zamanda, bütün azad edilmiş torpaqlarda bir ildə 7 yarımstansiya inşa edilib və bütün bu yarımstansiyalar ümumi dairəvi şəbəkəyə qoşulub. Bütün bunlar Ölkə başçısının qeyd etdiyi kimi, böyük fədakarlıqdır: “Xüsusilə, Kəlbəcər rayonuna qışda, qar şəraitində hündürlüyü 3500 metr olan Daşkəsəndən elektrik dirəkləri çəkildi, bu, doğrudan da böyük fədakarlıqdır və bizim potensialımızı göstərir. Yəni, onu göstərir ki, biz təkcə maliyyə baxımından müstəqil deyilik, eyni zamanda, texniki baxımdan, mütəxəssislər baxımından müstəqilik. Heç kimdən yardım almamışıq, hər şeyi özümüz etmişik”.
Bundan başqa işğaldan azad edilmiş ərazilərdə şəhərlərarası yollar. Hazırda Göygöldən Kəlbəcərə uzunluğu 11 kilometrdən çox olan tunel çəkilir. Kəlbəcər ilə Laçın arasında 4 kilometr uzunluğu olan ikinci tunel inşa edilir. Bu tunel hazır olduqdan sonra Göygöl-Gəncə istiqamətindən Kəlbəcərə gediş-gəliş daha rahat olacaq. Hazırda Bərdə-Ağdam avtomobil yolu inşa edilir. Görülən işlər sayəsində Naftalan ilə Talış və Suqovuşanla birləşəcək ki, bu da dövlətimizin rəhbərinin qeyd etdiyi kimi, həm strateji nöqteyi-nəzərdən, həm də turizm baxımından çox mühüm əhəmiyyətə malikdir: “Çünki Naftalan indi beynəlxalq turizm mərkəzinə çevrilib və oradan Suqovuşan gölünə məsafə çox qısadır. O ərazini də, Ağdərə ərazisini də biz həm turizm mərkəzinə çevirmək fikrindəyik, eyni zamanda, insanların ora qayıtmasını təmin etməliyik”.
Nəqliyyat infrastrukturun formalaşdırılması istiqamətində genişmiqyaslı layihələrin icrasının diqqət mərkəzində saxlanılması, Füzuli-Hadrut, Füzuli-Horadiz-Cəbrayıl-Ağbənd avtomobil magistralı, eyni zamanda, Horadizlə Zəngilanı birləşdirəcək dəmir yolu xəttinin tikintisi burada bərpa işlərinə xüsusi önəm verilməsinin bariz ifadəsidir.
Hazırda işğaldan azad edilmiş ərazilərdə infrastrukturun yaradılması, vaxtilə mövcud olan magistralların yenidən qurulması və yeni yolların çəkilməsi mühüm əhəmiyyət daşıyır. Çünki bu sahənin inkişafı şəhər və kəndlərin salınmasını, məskunlaşmanın gerçəkləşdirilməsini sürətləndirir. Bu ərazilərdə nəqliyyat infrastrukturun formalaşdırılması istiqamətində genişmiqyaslı layihələrin icrasının diqqət mərkəzində saxlanılması, Füzuli-Şuşa yolu, Zəfər yolunun inşası, Füzuli-Hadrut, Füzuli-Horadiz-Cəbrayıl-Ağbənd avtomobil magistralı, eyni zamanda, Horadizlə Zəngilanı birləşdirəcək dəmir yolu xəttinin tikintisi burada bərpa işlərinə xüsusi önəm verilməsinin bariz ifadəsidir.
Böyük qürur hissi ilə demək olar ki, işğaldan azad olunmuş ərazilərdə həyata keçirilən bərpa və yenidənqurma işləri gündən-günə sürətlənir və geniş vüsət alır. Görülən bütün işlər xalqımız tərəfindən böyük minnətdarlıq və hissi ilə qarşılanır və dəstəklənir.
