Maks Plank Cəmiyyəti Heyvan Davranışları İnstitutunun əməkdaşları Niderland, Danimarka və ABŞ tədqiqat mərkəzlərindən olan həmkarları ilə birlikdə müxtəlif növlərdən olan tutuquşuların ömrünü müqayisə etmək qərarına gəliblər. Onlar bunun üçün mindən çox zooparkda 217 növə aid 130 mindən çox quş barədə məlumatlar toplayıblar.
ARANTV.AZ AZƏRTAC-a istinadən bildirir ki, araşdırmalar nəticəsində heyrətamiz faktlar aşkarlanıb. Qeyd olunub ki, sən demə tutuquşuların ömrünün uzunluğu birbaşa beyin ölçüsü ilə əlaqəli imiş. Sonrakı araşdırmalar təsdiqləyib ki, onların ömrünün uzunluğu bədən ölçüsünə nisbətən beyin ölçüsünə daha çox uyğun gəlir. Alimlərin qənaəti birmənalı olub: tutuquşular arasında daha ağıllı olanlar daha uzun yaşayır.
Burada başqa bir amil də var. Belə ki, böyük beyin daha uzun müddət inkişaf edir və buna görə də ümumi ömür uzanır.
