Qarabağın döyünən qəlbi – Şuşa
Masallı Tarix-Diyarşünaslıq Muzeyi Yeni Azərbaycan Partiyasının ərazi partiya təşkilatında 2022-ci ilin “Şuşa” ili elan edilməsi ilə əlaqədar növbəti tədbir keçirildi. Müəssisə əməkdaşların, YAP fəalların, qazilərin iştirak ilə keçirilən tədbir “Şuşa- Qarabağın döyünən qəlbi” adlanırdı.
Vətən uğrunda şəhid olan qəhrəman oğlanların əziz xatirəsi bir dəqiqəlik sükutla yad ediləndən sonra Masallı Tarix -Diyarşünaslıq Muzeyi ərazi partiya təşkilatının sədri Əntiqə Tağıyeva çıxışında bildirdi ki, Ulu Öndər Heydər Əliyev Azərbaycana rəhbərlik etdiyi 1969-1982-ci illərdə Qarabağa çox böyük diqqət və qayğı göstərmişdir. Hər şeydən əvvəl Qarabağ tarixini, mədəniyyətini, iqtisadi inkişafını mükəmməl bilən dahi şəxsiyyət bu məsələyə çox həssaslıqla yanaşmışdır. Heydər Əliyev siyasi kursunu uğurla davam etdirən Azərbaycanın milli və dövlətçilik maraqlarını daim üstün tutan dövlət başçısı İlham Əliyev qələbəmizin rəmzi olaraq 2022-ci ili “ Şuşa ili” elan etmişdir.
Muzeyin əməkdaşı Çingiz Qurbanovun isə Şuşanın tarixi və mədəniyyəti ilə bağlı geniş məruzəsi oldu.
YAP Masallı rayon təşkilatının əməkdaşı C. Əliyev, muzeyin elmi işçisi D. Məmmədova və başqaları tarixi – mədəni əhəmiyyətli, Azərbaycan xalqı üçün müstəsna dəyərə malik olan Şuşaya xüsusi qayğı ilə yanaşmağı zəruri edən ölkə başçısı İlham Əliyevin 7 may 2021-ci il tarixli sərəncamı haqqında fikirlərini söyləməklə, həm də bu sərəncamın Şuşa şəhərinin tarixi görkəminin bərpası və Azərbaycanın parlaq incisi kimi beynəlxalq aləmdə təbliği məqsədinə yol açmış olduğunu dedilər və Qarabağın döyünən qəlbi olan Şuşanın Azərbaycanın mənəvi varlığının ayrılmaz parçası olduğunu sübuta yetirən, onu bizə qaytaran Ali Baş Komandan cənab İlham Əliyevə, müzəffər ordumuzun əsgər və zabitlərinə minnətdarlıq etdilər.
Vətən müharibəsi iştirakçısı Tapdıq Sadıqov Azərbaycanın ayrılmaz guşəsi sayılan Qarabağın azadlığı naminə döyüş zamanı yaşadığı hisslərdən söz açdı, qazanılan şanlı Zəfərimizdə payı olduğu üçün qürur keçirtdiyini söylədi.
Sonda Vətən müharibəsi iştirakçılarına döyüşdə göstərdikləri qəhrəmanlığa görə Fəxri Fərmanlar təqdim olundu, xatirə şəkilləri çəkildi.
Zəfər Orucoğlu,
Azərbaycan Jurnalistlər Birliyinin üzvü
