Azərbaycanın Xarkovdakı Fəxri Konsulluğu fəaliyyətini bərpa edib – YENİLƏNİB
Azərbaycanın Xarkovdakı Fəxri konsulluğu fəaliyyətini bərpa edib.
Bu barədə Fəxri konsulluğun rəsmi saytında məlumat yerləşdirilib.
Qeyd edilib ki, artıq bir neçə gündür ki, Ukraynanın Xarkov şəhərində sakitlikdir, ictimai nəqliyyat marşrutlara çıxır, şəhərə həyat qayıdır.
Nəzərə çatdırılıb ki, Fəxri konsulluğun Yaroslav Mudrova küçəsi, 7 ünvanında yerləşən binasına ziyan dəyib və kommunikasiyanın bərpası tələb olunur.
Bununla əlaqədar bu gündən Fəxri konsulluq yeni ünvanda – Lyudmila Qurçenko küçəsi, 3-D ünvanında yerləşir. Azərbaycan vətəndaşları aşağıdakı telefon nömrələri ilə Fəxri konsulluqla əlaqə saxlaya bilərlər:
+380503035727 Əfqan Salmanov
+38 0997887071 Oleq Velikix
+380688557004 Viktriya Yanul
14:09
Azərbaycanın Xarkovdakı Fəxri Konsulluğu bu gün fəaliyyətini bərpa edəcək.
Bunu APA-ya açıqlamasında Azərbaycanın Ukraynanın Xarkov şəhərindəki fəxri konsulu Əfqan Salmanov deyib.
Fəxri konsul bildirib ki, Rusiyanın raket atışları zamanı konsulluğun binasına zərər dəymişdi:
“Biz konsulluqda bir otağı bərpa etmişik və bu gündən fəaliyyətə başlamağa qərar vermişdik. Yaxın 2 saat ərzində Fəxri Konsulluq Xarkov şəhərində fəaliyyətini bərpa edəcək”.
