Ərzaq, içki və tütünün istehlak qiymətləri indeksi artıb
Cari ilin yanvar-may aylarında istehlak qiymətləri indeksi ötən ilin müvafiq dövrünə nisbətən 112,6 faiz, o cümlədən ərzaq məhsulları, içkilər və tütün məmulatları üzrə 117,9 faiz təşkil edib.
Dövlət Statistika İdarəsindən AZƏRTAC-a bildirilib ki, 2022-ci ilin may ayında ərzaq məhsulları, içkilər və tütün məmulatları üzrə istehlak qiymətləri indeksi ötən aya nisbətən 101 faiz, ötən ilin may ayına nisbətən isə 120,2 faiz olub.
