YAP Bərdə rayon təşkilatı təbliğat qrupunun növbəti tədbiri şəhər 2 saylı Uşaq kitabxanasında keçirilmişdir.
“İdeoloji maarifləndirmə konsepsiyası” ilə bağlı YAP Bərdə rayon təşkilatı təbliğat qrupunun üzvü, rayon Gənclər və İdman İdarəsinin rəis müavini Aydın Qasımovun təşkilatçılığı ilə “Vətənpərvərlik-Milli-mənəvi dəyər kimi” mövzusunda tədbir keçirilmişdir.
Tədbirdən öncə Ulu öndər Heydər Əliyevin və torpaqlarımızın ərazi bütövlüyü uğrunda həlak olmuş şəhidlərimizin əziz xatirəsi bir dəqiqəlik sükutla yad edilmişdir.
Təbliğat qrupunun üzvü Aydın Qasımovun mövzu ilə bağlı ətraflı məruzəsində Ulu öndər Heydər Əliyev tərəfindən qoyulmuş dövlət-din münasibətlərinin inkişaf etdirilməsi istiqamətində aparılan işlər, ölkəmizin inkişafı və milli-mənəvi dəyərlərin zənginləşdirilməsi üzrə həyata keçirilən tədbirlər haqqında məlumat verib.
Gənclərdə vətənpərvərlik ruhunun aşılanması istiqamətində ölkəmizdə müxtəlif tədbirlər həyata keçirildiyini diqqətə çatdırıb. Mövzunun əhəmiyyətini qeyd edən A.Qasımov milli-mənəvi dəyərlərin hər bir gəncin həyatında mühüm yer tutduğunu bildirərək, bu xüsusiyyətlərə sadiq olmanın vacibliyini söyləyib.
Mövzu ətrafında diskussiya keçirilmişdir.
YAP Bərdə rayon təşkilatı təbliğat qrupunun üzvləri Bərdə rayon İcra Hakimiyyətinin nümayəndəsi Şəmsiyyə Abbaszadə, şəhər N. Nərimanov adına 3 nömrəli tam orta məktəbin direktoru Səfurə Hümbətova, həmçinin diskussiyada iştirak edən gənclər Ali Baş Komandan möhtərəm cənab İlham Əliyevin rəhbərliyi ilə əldə olunmuş tarixi Qələbədən, 44 günlük Vətən müharibəsində Azərbaycan Ordusunun mənəvi gücündən, dövlətin bu sahədə həyata keçirdiyi davamlı siyasətdən və qarşıda duran əsas məqsəd və vəzifələrdən, gənclərin tərbiyə olunmasında milli-mənəvi dəyərlərin rolunun əhəmiyyətindən danışmışlar.
