Baba nəvəsini bıçaqladı
Tıvada 61 yaşlı təqaüdçü 17 yaşlı nəvəsinə bıçaqla hücum etməkdə şübhəli bilinərək saxlanılıb.
ARANTV.AZ xəbər verir ki, bu barədə Tıva İstintaq Komitəsinin regional idarəsinin mətbuat xidməti məlumat yayıb.
Hadisə dekabrın 5-də Qızıl şəhərində baş verib. Təqaüdçü ilə məktəbli arasında spirtli içki qəbul edərkən münaqişə baş verib, həmin şəxs nəvəsini sinəsindən bıçaqlayıb.
Zərərçəkmiş xəstəxanaya yerləşdirilib, həkimlər yeniyetmənin vəziyyətini stabilləşdirə biliblər.
Faktla bağlı “Silahdan və ya silah qismində istifadə olunan əşyalardan istifadə etməklə qəsdən sağlamlığa ağır zərər vurma” maddəsi ilə cinayət işi başlanıb.
