HADİSƏ! Ana doğuşdan sonra öldü
Lənkəran Mərkəzi Rayon Xəstəxanasında ana ölümü baş verib.
ARANTV.AZ-ın “Qafqazinfo”ya istinadla verdiyi xəbərə görə, rayonun Osaküçə kənd sakini 1979-cu il təvəllüdlü Quliyeva Vəfanə Kərim qızı mayın 1-də saat 13 radələrində xəstəxananın doğuş şöbəsinə daxil olub və qeysəriyyə əməliyyatı olunub. Həmin gün qadın və yeni doğulan oğlunun vəziyyəti yaxşı olsa da, mayın 2-də V.Quliyevada daxili qanaxma olub. Buna görə təkrar əməliyyata götürülüb və əməliyyat zamanı vəfat edib.
Lənkəran şəhər Prokurorluğunda araşdırma aparılır.
