Peruda tropik “Yaku” qasırğasının yaratdığı daşqınlar nəticəsində 65 nəfər həyatını itirib, 5 nəfər isə itkin düşüb.
Peru mətbuatında yer alan xəbərə görə, paytaxt Lima başda olmaqla ölkənin bir çox şəhərində təsirli olan qasırğa sel və yüzlərlə dağıntıya səbəb olub.
Təbii fəlakətdən 66 853 nəfər zərər çəkib, onlarla məktəb, sağlamlıq mərkəzləri, körpülər, 640 kilometr yol zədələnib. 11 çayın axını təhlükəli həddə çatıb.
Hökumət təbii fəlakətdən ən çox zərər çəkmiş 8 bölgənin 154 rayonunda 6 ay müddətinə fövqəladə vəziyyət elan edildiyini açıqlayıb.
Mənbə: Haber Global
