Gündəm 

“Səbrimizi tükəndirsələr, bunu da edəcəyik” – “soyqırım qurbanlarına” ŞOK XƏBƏRDARLIQ

“Qarabağda vəziyyət Azərbaycanın xeyrinə dəyişir. Ermənistan 10 noyabr bəyanatı üzrə öz üzərinə öhdəliklər götürmüşdü. Lakin onlara əməl etmədi. Bu öhdəliklərdən biri o idi ki, əlisilahlı qeyri-qanuni birləşmələr silahı yerə qoyaraq Qarabağdan çıxmalı idilər. İkinci məsələ Zəngəzur yolu idi. Ermənistan o yolu açmalı, Naxçıvan blokadadan çıxmalı idi. Digər məsələ beynəlxalq kommunikasiyaların açılmasıdır. Ermənistan bu öhdəliyini də yerinə yetirməlidir”.

Bu sözləri Musavat.com-a hərbi-siyasi ekspert Telman Qasımov deyib.

eaccb2a9d60512d8a234b860d5f4602f.jpg (34 KB)

Ekspert vurğulayıb ki, erməni hiyləsi bu gün də davam edir:

“Rəsmi Bakı dəfələrlə onlara xəbərdarlıq etdi ki, bəyanata ciddi yanaşsınlar, terrorçular silahı yerə qoysunlar, Xankəndiyə silah-sursat daşınmasına, mədənlərdə baş verən özbaşınalıqlara son qoyulsun. Lakin Ermənistan tərəfi buna məhəl qoymadı. Bu baxımdan Azərbaycan ordusu güllə atmadan lazım olan işlərin öhdəsindən gəldi. Laçın yolundakı hakim yüksəklikləri və sərhədboyu geniş sahələri nəzarətə götürdük. Ermənistan provokasiyaları artırmağa çalışır, Azərbaycanı beynəlxalq aləmdə terrorçu kimi, Qarabağ ermənilərinə soyqırım təşkil edən dövlət kimi təqdim etmək üçün əlindən gələni edir. Paşinyan davamlı şəkildə bildirirdi ki, Azərbaycan Qarabağ ermənilərinə qarşı soyqırım təşkil etməyə çalışır, biz necə sülh müqaviləsi bağlaya bilərik? Sonra dedi ki, çətinliklərə baxmayaraq, biz müqaviləni imzalamağa hazırıq. Ermənistan bu yolla vaxt qazanmağa çalışır. Onlar beynəlxalq müşahidəçiləri Qarabağa gətirmək istəyirlər. Azərbaycanı gözdən salmaq siyasətlərini davam etdirməyə çalışırlar. Azərbaycan Qarabağın erməni icmasına Bakıda görüşlə bağlı 2 dəfə təklif edib. Azərbaycanın ermənilərə təklif etdiyi prinsiplər dəyişməz olaraq qalır. Yəni Qarabağ heç vaxt ermənilər üçün müstəqil qurum olmayacaq. Qarabağ tarixən Azərbaycanın tərkibində olub və olacaq.

Biz artıq Laçın yolunu tam nəzarətə götürmüşük. Səbrimizi tükəndirsələr, onların Ermənistanla əlaqə saxladıqları Laçın yolunu bağlamaq lazım olacaq. Ermənilərin atdıqları addımlar öz ziyanlarına işləyir. Nə qədər tez danışıqlara gəlsələr, Azərbaycanla münasibətləri normallaşdırsalar bir o qədər öz xeyirlərinə olacaq. Paşinyan artıq başını itirib. Bu gün başqa bəyanat, sabah tamam başqa bir bəyanat verir. Onlar apardıqları qeyri-stabil siyasətin quyusuna düşəcəklər”.

Daha çox xəbərlər