Bakıda məhkəmə arxeologiyası və antropologiyası ilə bağlı beynəlxalq konfrans keçirilir
Bakıda “Məhkəmə arxeologiyası və məhkəmə antropologiyası: Humanitar tətbiqlər” mövzusunda ilk beynəlxalq konfrans keçirilir.
“Report”un xəbərinə görə, toplantı Azərbaycan Respublikası Əsir və İtkin Düşmüş, Girov Götürülmüş Vətəndaşlarla əlaqədar Dövlət Komissiyası, Azərbaycan Milli Elmlər Akademiyasının (AMEA) Arxeologiya, Etnoqrafiya və Antropologiya İnstitutu və Beynəlxalq Qırmızı Xaç Komitəsinin (BQXK) birgə təşkilatçılığı ilə baş tutur.
Konfransın əsas müzakirə mövzusu I Qarabağ müharibəsində itkin düşənlər olacaq.
Tədbirdə BQXK-nın Azərbaycandakı Nümayəndəliyinin rəhbəri Draqana Kojiç, AMEA prezidenti İsa Həbibbəyli, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının katibi, İşçi qrupunun rəhbəri İsmayıl Axundov, dövlət qurumlarının rəsmiləri və ictimaiyyət nümayəndələri iştirak edəcəklər.
Konfrans işini sabah başa çatdıracaq.
