Daşkəsən Gənclərin Təlim və İstirahət Mərkəzində “Birlik” milli adət-ənənələr düşərgəsi keçirilib.
11-16 İyul 2023-cü il tarixlərdə Azərbaycan Respublikası Gənclər və İdman Nazirliyinin təşkilatçılığı ilə Daşkəsən Gənclərin Təlim və İstirahət Mərkəzində “Birlik” milli adət-ənənələr düşərgəsi keçirilib. Düşərgədə Bərdə gəncləri də fəal iştirak etmişdir.
Düşərgənin keçirilməsində məqsəd zəngin mədəniyyətimizin tanıdılması, adət-ənənələrin yaşadılması və geniş təbliğidir.
Düşərgə müddətində maraqlı və əyləncəli tədbirlər, o cümlədən gəzintilər, təlimlər, diskusiyalar, kukla teatrı, intellektual və milli idman oyunları keçirilib.
Düşərgəyə respublikamızın müxtəlif bölgələrindən təhsildə fərqlənən gənclərlə yanaşı, şəhid və qazi övladları və aztəminatlı ailələrin övladları da daxil olmaqla 100 gənc cəlb olunub.
