Hayların uydurmaları ayaq tutmur, çətinliklə iməkləyir
Məğlub Ermənistanın rəhbərləri dörd ildir ki, həm özlərini, həm də beynəlxalq ictimaiyyəti aldatmaqla məşğuldurlar. Onlar hər vaxt, hər yerdə “biz sülhə hazırıq” desələr də, əksinə müxtəlif bəhanələrlə onu əngəlləməyə çalışıblar. Buna dair onlarla fakt var. Ancaq bir gün yapışdıqları divar qurtaranda nə edəcəklər? Bu suala cavab vermək onlara o qədər də çətin deyil. Hər vaxt yalan danışmağa öyrəşmiş haylar təzə yalanlar uyduracaqlar. Keçən illərin təcrübəsi belə düşünməyə əsas verir. İndilik görün dövlətdə yüksək postlardan birini tutmuş daşnak balası nə deyir: “Biz sülh müqaviləsi bağlamaq üçün əlimizdən gələni edirik”.
Bu barədə yerli jurnalistlərlə söhbətində Ermənistan parlamentinin vitse-spikeri Ruben Rubinyan danışıb.
Rubinyan Azərbaycan və Ermənistan xarici işlər nazirlərinin bu yaxınlarda İstanbulda görüşdüyünü xatırladıb və əlavə edib: “İndi sülh müqaviləsinin imzalanmasına imkan yaratmaq üçün cəhdlər edilir və biz bu istiqamətdə hər şeyi edirik”.
Gördünüzmü, utanmadan necə yalan-palan danışır? Həm də elə danışır ki, gələcək uydurmalara zəmin olsun. “Biz bu istiqamətdə hər şeyi edirik” iddia edən Rubinyan demir ki, biz sülhə gedən yolun bağlanması üçün hər şeyi edirik. Konstitusiyanın müddəalarında Azərbaycana ərazi iddiaları hələ də qalmaqdadır, kütbeyin hay isə “sülh istiqamətindəki cəhdlərindən” dəm vurur. Fikirlərində səmimi olmadığı, boğazdan yuxarı danışmağı göz önündədir.
“Danışıqların hansısa mərhələsində vasitəçiyə ehtiyac ola bilərmi” sualına Ermənistan parlamentinin vitse-spikeri belə cavab verib: “Hər şey mümkündür, lakin indiki mərhələdə danışıqlar ikitərəfli xarakter daşıyır. Əvvəldən xarici işlər nazirləri səviyyəsində danışıqların formatı ikitərəfli olub. Danışıqlar zamanı tərəflər özləri də otaqda tək olublar. Formatın nə vaxtsa dəyişəcəyini istisna etmirəm, amma hələlik danışıldığı üzrə gedir. Bu, praqmatizm və praktiklik məsələsidir”. Dörd ildir ki, sülhdən qaçan haylar “praktik” yanaşmaları yarımçıq qoyublar. İki gün əvvəl Ermənistanın baş naziri Nikol Paşinyan Rusiya Prezidenti Vladimir Putinə və Azərbaycan Prezidenti İlham Əliyevə iki ölkə arasında delimitasiya və demarkasiya işlərinin gedişinin intensivləşdirilməsi üçün görülən işlər, qəbul edilmiş qərarlar barədə bəhs etdi. Rusiyanın, bir çox ölkələrin böyük maraq göstərdikləri Zəngəzur yolunun açılmasında öz səylərindən danışdı. Özünü elə göstərdi ki, guya sülh müqaviləsinin qısa müddətdə bağlanmasına çalışır. Lakin, bir neçə ay əvvəl bildirib ki, konstitusiyadan Azərbaycana və Türkiyəyə ərazi iddialarını özündə ehtiva edən müddəaların çıxarılması yalnız 2026-cı ildə mümkün olacaq. İkinci Qarabağ müharibəsində biabırcasına məğlub olmuş Hayastanın özünü az qala qalib tərəf kimi aparması tarixin əcaib hadisələrindən biridir. Aydın görünür ki, hayların bu oyunbazlıqları vaxtın uzadılmasına və ondan sonra güc yığıb hansısa çirkin məqsədlərinə çatmağa hesablanıb. Cəmiyyətə sırıdıqları bir düjin yalanın hamısı buna xidmət edir.
El içində “Yalançını mənzilinə qədər qovarlar” deyiblər. Azərbaycan rəhbərliyi səbr və təmkinlə Ermənistanın başçılarının hansı oyunlardan çıxdıqlarını izləyir. Həm də sadəcə izləmir, bəhanələrinin hamısının aradan qaldırılması üçün vaxtında lazımi addımları atır. Haylar sonra nə edəcəklər? Onu da görəcəyik.
Vəli İlyasov, “İki sahil”
