2024-cü il ərzində Azərbaycana 279 milyon 681 min ABŞ dolları dəyərində 1 milyon 292 min 26 ton buğda idxal edilib.
ARANTV.AZ Dövlət Gömrük Komitəsinə istinadən xəbər verir ki, bu göstərici 2023-cü illə müqayisədə həcm baxımından 9.9% və ya 116 min 685 ton artıb, məbləğ baxımından isə 8% və ya 24.3 milyon dollar azdır.
Hesabat dövründə buğda idxalı Azərbaycanın ümumi idxalının 1.76%-nə bərabər olub.
Qeyd edək ki, ötən il ölkəyə Rusiya və Qazaxıstandan idxal edilmiş buğdanın 1 tonunun orta qiyməti, əvvəlki ilin müvafiq dövrü ilə müqayisədə 16.4% azalaraq 368 manat təşkil edib.
