“WhatsApp”da statuslar hekayələr şəklində olacaq, lakin funksiya standart olaraq söndürülmüş vəziyyətdə qalacaq.
Ferra.ru bununla bağlı məlumat yayıb.
“WhatsApp” istifadəçiləri statuslarını birbaşa messencerdən “Facebook” və “Instagram” hekayələrində paylaşa biləcəklər. Bu, istifadəçilərə kontentlərini müxtəlif platformalarda ayrıca paylaşmadan idarə etməyə imkan verəcək.
“Neowin” portalının məlumatına görə, bu yenilik Hesablar Mərkəzi vasitəsilə tətbiq olunacaq. İstifadəçilər bir hesabla bir neçə Meta tətbiqinə daxil ola biləcəklər. Lakin bu funksiya standart olaraq deaktiv vəziyyətdə olacaq və istifadəçilər onu öz istəklərinə uyğun aktivləşdirə biləcəklər.
Tərtibatçılar bildirir ki, “WhatsApp”ın Hesablar Mərkəzinə birləşdirilməsi messencerin məxfiliyinə və şifrələmə keyfiyyətinə təsir etməyəcək. (Yenisabah.az)
