Milli Hidrometeorologiya Xidmətinin fevralın 6-sı saat 14:30-a olan məlumatına əsasən bəzi rayonlarda yağıntılı hava şəraiti müşahidə olunur.
Xidmətdən AZƏRTAC-a verilən məlumata görə, Naxçıvan, Şərur, Şahdağ, Gədəbəy, Şəki (Kişçay), Naftalan, Altıağac, Qobustan, Quba, Qusar, Xaltan, Yardımlı, Lerik, Kəlbəcər, Laçın, Çocuq-Mərcanlı, Şamaxıda qar, Ağdam, Tərtər, Bərdə, Mingəçevir, Yevlax, Göyçay, Beyləqan, İmişli, Göyçay, Kürdəmir, Sabirabad, Cəfərxan, Lənkəran, Astara, Neftçala, Biləsuvar, Qazax, Tovuz, Ağstafa, Xaçmaz, Yevlax, Ağsu, Oğuz, İsmayıllı və Balakəndə yağış yağır.
Şimal-qərb küləyi əsir. Sarı xəbərdarlığa uyğun olaraq küləyin sürəti arabir Şamaxı, Gəncədə saniyədə 18, Şahbuzda 17, Culfada 16 metrə çatıb.
Sumqayıt, Qusar, Qrız, Daşkəsən, Göygöl, Şamaxı, Zaqatala, Qax (Sarıbaş), Şəki (Kişçay), Balakən, Qəbələdə duman müşahidə olunur. Dumanda görünüş 500-1000 metrədək məhdudlaşıb.
Havanın temperaturu Bakıda və Abşeron yarımadasında, eyni zamanda, Aran rayonlarında 7°-dək isti, Naxçıvan Muxtar Respublikasında və dağlıq rayonlarda 4°, yüksək dağlıq ərazilərdə isə 7°-dək şaxta qeydə alınıb.
