Almaniyanın gələcək kansleri hesab olunan, Xristian Demokratlar İttifaqının (XDS) sədri Fridrix Mers Ukraynaya dəstək mesajı verib.
Musavat.com-un məlumatına görə o bildirib ki, Avropa İttifaqına üzvlüklə bağlı verilmiş vədlər qüvvədə qalır. Eyni zamanda Ukraynanın NATO-ya qoşulma perspektivi də gündəmdən çıxmayıb.
Fridrix Mers Rusiyanın davamlı və amansız siyasətini vurğulayaraq, onun gücünü qiymətləndirməməyə çağırıb. “İnsanlara qarşı qəddarlıq Rusiya siyasətinin daimi tərkib hissəsidir,” – deyə o, bəyan edib.
Mersin sözlərinə görə, Rusiya-Ukrayna müharibəsinin öz-özünə bitəcəyinə ümid bəsləmək – məsələn, ölkənin qan itirməsi və ya daxili siyasi etirazlar səbəbilə – real görünmür. Onun fikrincə, Qərb daha uzunmüddətli və sistemli yanaşma sərgiləməli, Ukraynanı həm diplomatik, həm də təhlükəsizlik sahəsində dəstəkləməyə davam etməlidir.
