DİN: Ötən gün 26 kiloqramdan çox narkotik vasitə aşkarlanıb
Polis əməkdaşlarının keçirdikləri əməliyyat tədbirləri ilə iyunun 9-da ümumi çəkisi 26,6 kiloqramdan artıq narkotik vasitə, 717 ədəd psixotrop tərkibli həb və kultivasiya yolu ilə yetişdirilmiş 15 ədəd çətənə kolu götürülüb, yabanı halda bitmiş 6,4 tona yaxın çəkidə 34 min 500 ədəd çətənə kolu isə aşkar olunaraq məhv edilib.
Daxili İşlər Nazirliyinin (DİN) mətbuat xidmətindən AZƏRTAC-a bildirilib ki, bu istiqamətdə qətiyyətli mübarizə tədbirləri davam etdirilir.
