Rusiya İstintaq Komitəsi Moskvanın Mıtnaya küçəsindəki yaşayış binasında baş verən yanğından sonra araşdırma aparır.
“Report”un Rusiya KİV-lərinə istinadən verdiyi məlumata görə, bu barədə Moskvanın Fövqəladə Hallar Nazirliyi (FHN) məlumat verib.
Məlumata görə, zərərçəkənlərin sayı 10-a çatıb. Nazirlik bir nəfərin həlak olduğunu təsdiqləyib. Bildirilib ki, yanğın söndürülüb. Hadisə yerinə FHN-in 34 əməkdaşı və 10 texnika cəlb edilib.
Məlumata görə, yanğın bu gün gecə baş verib və dördüncü mərtəbədəki iki mənzili və eyvanı əhatə edib. Yanğınsöndürənlər binadan 15 nəfəri təxliyə ediblər.
