İdxal olunan alkoqolsuz içki məhsullarında uyğunsuzluq aşkarlanıb
Nəzarət tədbirləri çərçivəsində “PTP AZEL” MMC-nin Yaponiyadan idxal etdiyi çəkisi 126 kiloqram olan 360 ədəd “DR. PEPPER CAN 350G” əmtəə nişanlı və 120 kiloqram çəkidə 240 ədəd“GRAPE 500ML” əmtəə nişanlı meyvə aromalı qazlı su məhsullarından nümunələr götürülərək Azərbaycan Qida Təhlükəsizliyi İnstitutuna təqdim edilib.
Azərbaycan Qida Təhlükəsizliyi Agentliyinin İnformasiya təminatı və innovativ həllər şöbəsindən AZƏRTAC-a verilən məlumata görə, laborator müayinələr nəticəsində nümunələrdə benzoy turşusunun kütlə qatılıq miqdarının normadan artıq olduğu aşkarlanıb.
Həmçinin nəzarət tədbirləri çərçivəsində çəkisi 52,8 kiloqram olan 120 ədəd “KOCHAKADEN ROYAL MILK TEA 440ML” əmtəə nişanlı südlü içki, 36 kiloqram çəkidə 72 ədəd “POCARI SWEAT 500ML” əmtəə nişanlı qazsız təbii su, çəkisi 22,56 kiloqram olan 48 ədəd “HONEY LEMON 470ML” əmtəə nişanlı alkoqolsuz içki, 14,4 kiloqram çəkidə 18 ədəd “POM PON JUICE 800ML” əmtəə nişanlı meyvə şirəsi, çəkisi 24 kiloqram olan 48 ədəd“CALPIS THE RICH 490ML” əmtəə nişanlı, 20,64 kiloqram çəkidə 48 ədəd“CALPIS BODY CALPIS BIO P430ML” əmtəə nişanlı, çəkisi 24 kiloqram olan 48 ədəd “MITSUYA EXTRA RICH ORANGE SQUASH P500ML” əmtəə nişanlı, 72 kiloqram çəkidə 144 ədəd “MITSUYA TOKUNO GRAPE SQUASH 500ML” əmtəə nişanlı, çəkisi 72 kiloqram olan 144 ədəd “MITSUYA TOKUNO PEACH SQUASH P500ML” əmtəə nişanlı alkoqolsuz içki məhsullarının istifadə müddətinin bitdiyi müəyyən olunub.
Aşkarlanmış uyğunsuzluqla əlaqədar müvafiq tədbirlər görülüb, istehlaka yararsız məhsullar məhv edilib.
