Bu gün #Bərdə rayonundan #Vətən müharibəsi şəhidi, tibb xidməti baş-leytenantı Şəmilov Azər Elyas oğlunun doğum günüdür.
Şəhid Azər Şəmilov 13 avqust 1971-ci il Tərtər rayon #Qapanlı kəndində anadan olmuşdur. 1978-ci ildə Tərtər rayon Soyulan kəndindəki orta məktəbin birinci sinifinə daxil olub. Həmin məktəbin 8-ci sinifin əla qiymətlərlə bitirdikdən sonra Bakı şəhəri “Kimya-Biologiya Təmayyüllü” məktəbə daxil olmuş və oranı əla qiymətlərlə bitirmişdir. Sonra Qazaxıstana hərbi qulluğa getmişdir. Hərbi qulluğu müvəffəqiyyətlə başa vurmuş və Azərbaycana qayıtmışdır. Vətənə qayıdaraq 1-ci Qarabağ müharibəsində #könüllü olaraq ön cəbhədə vuruşmuşdur. Döyüşlərdə cəsarətlə iştirak etdikdən sonra imtahan verərək Azərbaycan Tibb Universitetinə daxil olmuşdur və oranı bitirdikdən sonra Naxçıvan şəhərinə hərbi qulluğa çağrılır və orda hərbi həkim işləmiş, baş-leytinant rütbəsini almışdır. Hərbi qulluğu başa çatdıqdan sonra #Tərtər şəhərinə qayıdır və Soyulan Tibb məntəqəsində baş həkim vəzifəsində çalışmışdır.
2004-cü ildən Tərtər rayununda ANAMA qeyri hökümət təşkilatında baş həkim vəzifəsində işləmişdir. 16 il ANAMA-da baş həkim vəzifəsində işləmişdir. 2006-cı ildən ailəsi ilə birlikdə Bərdə rayon Kələntərli kəndində yaşamışdır. 21 sentyabr 2020-ci ildə səfərbərlik ilə təlimə çağırılmış, sentyabrının 27-dən müharibənin çətin, gərgin vaxtlarında qəhramanlıqla iştirak etmişdir, o ön cəbhədə olan yüzlərlə yaralanmış əsgərlərimizə yardım göstərmiş onları yenidən həyata qaytarmışdır. Oktyabrın 14-ü #Talış istiqamətində gedən ağır döyüşlərdə, düşmən gülləsinə tuş gəldi, canı qədər sevdiyi vətən torpağında əbədi gözlərini yuman Azər Şəmilov Şəhidlik zirvəsinə ucaldı.
2003-cü ildə ailə qurmuş, 2 övlad atası idi.
#Azərbaycan Respublikasının Prezidenti İlham Əliyevin müvafiq sərəncamı ilə şəhid Şəmilov Azər Elyas oğlu ölümündən sonra “Vətən uğrunda”, “Suqovuşanın azad olunmasına görə ” və “Hərbi xidmətlərə görə” medalları ilə təltif olunmuşdur.
Ruhun şad, məkanın cənnət olsun Vətən oğlu. 
