Prezident İlham Əliyev: Müasir Azərbaycan Dövlətçiliyinin Memarı, Qalib Lider və Qlobal Səviyyəli Siyasi Şəxsiyyət
Azərbaycan Respublikasının Prezidenti cənab İlham Əliyevin çoxşaxəli və ardıcıl fəaliyyəti müasir Azərbaycan tarixinin ən əhatəli inkişaf mərhələsini təşkil edir. Bu mərhələ milli müstəqilliyin möhkəmləndirilməsi, dövlət suverenliyinin tam bərpası, ərazi bütövlüyünün təmin edilməsi, güclü iqtisadi potensialın formalaşdırılması, beynəlxalq nüfuzun yüksəldilməsi və vətəndaş rifahının davamlı şəkildə artırılması ilə xarakterizə olunur. Prezident İlham Əliyevin rəhbərliyi altında Azərbaycan regional liderlikdən qlobal təşəbbüskarlığa doğru irəliləyən, milli maraqlara söykənən müasir dövlətçilik modeli qurmuşdur.2024-cü il fevralın 7-də keçirilmiş Azərbaycan Respublikası Prezident seçkiləri ölkənin siyasi tarixində yeni reallıqların hüquqi-siyasi təsdiqi olmuşdur. İlk dəfə olaraq seçkilərin ölkənin bütün ərazilərində, o cümlədən işğaldan azad edilmiş torpaqlarda keçirilməsi dövlət suverenliyinin tam bərpasının real təzahürü idi. Prezident İlham Əliyevin Xankəndi şəhərində səs verməsi bu seçkilərin simvolik və tarixi məzmununu daha da gücləndirmişdir. Dövlət başçısının qeyd etdiyi kimi, bu addım separatçılığa qarşı qəti mövqenin, dövlət iradəsinin və tarixi ədalətin bərpasının rəmzinə çevrilmişdir.Seçkilərdə müşahidə olunan yüksək seçici fəallığı və Prezident İlham Əliyevin seçicilərin 92,12 faizinin etimadını qazanması xalq–lider birliyinin sarsılmazlığını nümayiş etdirmişdir. Bu seçkilər Azərbaycan tarixində “Zəfər seçkisi” kimi xüsusi yer tutmuşdur. Prezident İlham Əliyevin şəxsiyyət kimi formalaşmasında aldığı fundamental təhsil həlledici rol oynamışdır. Bakı şəhərində orta təhsilini başa vurduqdan sonra Moskva Dövlət Beynəlxalq Münasibətlər İnstitutunda ali təhsil alması, aspirantura mərhələsi, elmi-tədqiqat fəaliyyəti və tarix elmləri namizədi elmi dərəcəsi onun dərin analitik düşüncə tərzinin formalaşmasına imkan yaratmışdır.Beynəlxalq münasibətlər, dünya siyasəti, diplomatiya və tarix sahəsində qazandığı biliklər Prezident İlham Əliyevin qlobal prosesləri düzgün qiymətləndirməsinə, mürəkkəb geosiyasi şəraitdə milli maraqlara əsaslanan çevik qərarlar qəbul etməsinə şərait yaratmışdır.Prezident İlham Əliyevin peşəkar fəaliyyəti elmi-pedaqoji sahədən başlayaraq biznes, enerji sektoru və dövlət idarəçiliyinə qədər geniş bir spektri əhatə edir. Moskva Dövlət Beynəlxalq Münasibətlər İnstitutunda müəllim kimi fəaliyyəti onun elmi potensialını daha da zənginləşdirmişdir. Sonrakı mərhələdə özəl biznes sahəsində çalışması və idarəçilik təcrübəsi qazanması iqtisadi prosesləri dərindən dərk etməsinə şərait yaratmışdır.Azərbaycan Respublikası Dövlət Neft Şirkətində vitse-prezident və birinci vitse-prezident kimi fəaliyyəti ölkənin enerji strategiyasının formalaşdırılmasında mühüm rol oynamışdır. Milli Məclisin deputatı kimi fəaliyyəti, Milli Olimpiya Komitəsinin prezidenti seçilməsi, Yeni Azərbaycan Partiyasının sədri kimi islahatçı mövqeyi İlham Əliyevin dövlət idarəçiliyində yüksəlişini təmin etmişdir.2003-cü il prezident seçkilərində xalqın İlham Əliyevə verdiyi dəstək Ulu Öndər Heydər Əliyevin siyasi kursuna sadiqliyin təzahürü idi. Heydər Əliyevin xalqa müraciətində İlham Əliyevi siyasi varisi kimi təqdim etməsi müasir Azərbaycan tarixində strateji əhəmiyyət daşıyan hadisə olmuşdur.Prezident İlham Əliyev bu etimadı doğruldaraq sabitlik, inkişaf, təhlükəsizlik və milli maraqlara əsaslanan dövlət siyasətini uğurla davam etdirmişdir.Prezident İlham Əliyevin rəhbərliyi ilə Azərbaycan siyasi sistemində rasional, praqmatik və milli məqsədlərə xidmət edən idarəçilik modeli formalaşmışdır. Dövlət siyasətinin mərkəzində vətəndaş amili, sosial rifah və təhlükəsizlik dayanır. Siyasi islahatlar, siyasi dialoqun təşviqi, çoxpartiyalı sistemin möhkəmləndirilməsi demokratik inkişafın mühüm göstəricilərindəndir.2020-ci ildə Vətən müharibəsində qazanılan tarixi Qələbə Prezident İlham Əliyevin qətiyyətli siyasi iradəsinin, müasir ordu quruculuğunun və milli birliyin nəticəsidir. Bu Qələbə Azərbaycanın ərazi bütövlüyünü bərpa etmiş, ölkənin hərbi-siyasi gücünü nümayiş etdirmişdir.Prezident İlham Əliyevin milli maraqlara əsaslanan balanslaşdırılmış xarici siyasəti Azərbaycanın beynəlxalq mövqelərini əhəmiyyətli dərəcədə gücləndirmişdir. Azərbaycan BMT Təhlükəsizlik Şurasının qeyri-daimi üzvü olmuş, Qoşulmama Hərəkatına sədrlik etmiş, Türk Dövlətləri Təşkilatı və İslam Əməkdaşlıq Təşkilatında fəal mövqe tutmuşdur.Şuşa Bəyannaməsi Azərbaycan–Türkiyə münasibətlərini müttəfiqlik səviyyəsinə yüksəltmiş, COP29-a ev sahibliyi isə Azərbaycanın qlobal iqlim diplomatiyasında rolunu artırmışdır.Prezident İlham Əliyevin təşəbbüsü ilə Qərbi Azərbaycan məsələsi beynəlxalq gündəliyə çıxarılmış, Qayıdış Konsepsiyası hazırlanmışdır. Bu məsələ BMT və digər beynəlxalq təşkilatların sənədlərində əksini tapmışdır.Prezident İlham Əliyevin rəhbərliyi ilə iqtisadiyyat şaxələndirilmiş, qeyri-neft sektoru inkişaf etmiş, regionların sosial-iqtisadi inkişafı təmin olunmuşdur. “Azərbaycan 2030” Milli Prioritetləri, sosial-iqtisadi inkişaf strategiyaları ölkənin uzunmüddətli inkişafını hədəfləyir.Bakı-Tbilisi-Ceyhan, Cənub Qaz Dəhlizi, Bakı-Tbilisi-Qars kimi layihələr Azərbaycanın qlobal enerji və nəqliyyat xəritəsində mövqeyini möhkəmləndirmişdir.Prezident İlham Əliyevin fəaliyyəti humanizm prinsiplərinə əsaslanır. Əfv və amnistiya təşəbbüsləri, gənclərin inkişafına yönəlmiş dövlət siyasəti, multikulturalizm və tolerantlıq siyasəti müasir Azərbaycan cəmiyyətinin əsas dəyərləridir.Prezident İlham Əliyev müasir Azərbaycanın memarı, qalib lideri və milli maraqlara söykənən dövlətçilik modelinin banisidir. Onun rəhbərliyi ilə Azərbaycan güclü dövlət, qalib xalq və davamlı inkişaf yolunda inamla irəliləyir.
Bərdə şəhər E.Kərimov adına 4 nömrəli tam orta məktəbin direktoru:
Gülnarə Əliyeva
