Yanvarın 18-də Azərbaycanda sərt karantin rejiminin bitməsi gözlənilir. Gündəlik yoluxmaların sayında da xeyli azlama müşahidə olunub. Belə ki, gündəlik yoluxma sayı artıq 4000-dən 500-ə düşüb. Eyni zamanda, ölüm sayında da xeyli azalmalar müşahidə olunub. Bu gün hər kəsi maraqlandıran sual yanvarın 18-dən sonra sərt karantin rejiminin yumuşaldılacağı ilə bağlıdır.
ARANTV.AZ xəbər verir ki, bununla bağlı Sonxeber.az-ın sualını cavablandıran Nazirlər Kabinetinin mətbuat xidmətinin rəhbəri İbrahim Məmmədov bildirib ki, bu barədə hələlik heç bir rəsmi qərar yoxdur:
“Əgər bununla bağlı qərar qəbul edilərsə, vətəndaşlarımıza Operariv Qərargah tərəfindən məlumat veriləcək. Hələlik yanvarın 18-də yumaşlamaların olub-olmaması ilə bağlı məndə heç bir məlumat yoxdur”.
