Ukrayna müharibəsindən sonra Rusiyanı nə qədər insanın tərk etməsi barədə rəsmi statistika gizlədilir
Müxtəlif hesablamalara görə, Ukrayna müharibəsinin ilk ilində 500 minlə 1.3 milyon arasında insan Rusiyanı tərk edib. Ruslar əsasən vizasız ölkələrə köçüblər: Ermənistan, Gürcüstan, Azərbaycan, Türkiyə, Özbəkistan, Qazaxıstan, Qırğızıstan, Tacikistan, BƏƏ və Monqolustan. Müasir mühacirət yaxınları ilə ünsiyyət qurmaq, sosial əlaqələri saxlamaq və hətta işləmək üçün daha çox imkanlar, habelə təcili təhlükə altında olmayanlar üçün yenidən sərhədi keçmək imkanlarını nəzərdə tutur. Dövlət mühacirət fakltlarını gizlədir və 2022-ci ilin ilk altı ayında miqrasiya axınının cəmi 96,7 min nəfər təşkil etdiyini bildirirdi ki, bu da COVİD-dən əvvəlki rəqəmlərdən də az idi.
Ukrayna müharibəsinin başlamasından sonra ABŞ gözlənilmədən rusların kütləvi şəkildə sığınacaq üçün müraciət etdiyi ölkələr sırasında ön sırada olub. Tam dəqiqləşməmiş rəqəmlərə görə 48 min rus bu ölkəyə köçüb. İsrailə gedənlər isə əsasən yəhudi kökənlilərdir. Musavat. com rusların hazırda ən çox yaşadığı ilk 5 ölkəni təqdim edir.
Birləşmiş Ərəb Əmirliyi artıq uzun müddətdir ki, təkcə zənginlərin yaşadığı ölkə deyil. On minlərlə rus Dubay və Şarjaya köçüb – onlar burada işləyir, bizneslə məşğul olur və şirkət açaraq status qazanırlar. Bura köçmək “şeyx kimi yaşamaq” deyil, xaricdə dinc işləməyin qanuniləşdirilmiş yoludur. 1000 dollardan başlayan mənzil kirayəsi gəlirdən vergi yığılmaya bu ölkədə heç nədir.
Ruslar bu ölkəni təkcə vergidən azad olduqları üçün seçimirlər. Bura həm təhlükəsizdir, həm də sabit iqtisadiyyatı var.
Son məlumatlara görə, Gürcüstana 100 min rus köç edib və onları 70 minə yaxını artıq bu ölkədə daima yerləşib. Ruslar buranı dilləri başa düşüldüyü, iqlim mülayim, yeməkləri dadlı olduğuna görə seçirlər. Həm də burada kirayə mənzil qiyməti cəmi 300 dollardan başlayır.
Qazaxıstan rusların son üç ildə ən çox məskunlaşdıqları ölkələr sırasında ilk üçlükdə yer alır. Bu ölkəyə birdəfəlik köçənlərlə bağlı rəsmi statitistika açıqlanmayıb, amma müharibədən sonra sərhədi yüz minlərlə rusiyalı keçib.
Almatı, Astana, Çimkent mənzil kirayələmək, yaşayış icazəsi almaq və hər şeyi sıfırdan başlamaq asan olan şəhərlərdir. Çoxları “müvəqqəti gəlmişik” deyirdilər, lakin artıq üç ildir ki, bu ölkədə yaşayırlar.
Rusların burada da dil və ünsiyyət problemi yoxdur. Dövlət sürətli sənədləşmə aparır. Yemək və məınzil kirayəsi ucuzdur. Bu ölkədə İT mütəxəssisləri, sürücülər, digər sahələrin mütəxəssislər üçün iş var.
Rusların son üç ildə ən çox məskunlaşdığı 2-ci ölkə isə qardaş Türkiyədir. Burada 150 min rus artıq yaşayış icazəsi alıb. Rusların fikrincə, bura turizm məkanıdır, amma yaşamaq üçün də çox əlverişlidir. Rusların Alanya, Antalya, İstanbulda artıq öz məktəbləri, klinikaları, vəkilləri bürosu var. On minlərlə rus geri qayıtmaq planları olmadan orada yaşayır.
Ruslarln müharibədən sonra ən çox köçdüyü ölkə isı Serbiyadır. 300 min buraya köç edib. Belqradı artıq yeni “Rus Vilnüsü” adlanmdırırlar. Serbiya Avropa İttifaqının üzvü deyil. ruslara yaxın millətdir. Ölkəyə vizasız giriş var, kirayə evlər 250 dollardan baha deyil.
Asiya qitəsinə gəlincə, rəsmi statistika yoxdur, lakin Tailand, Vyetnam, İndoneziya, Şri Lankada on minlərlə rus yaşayır. Burada da sadələşdirilmiş viza rejimləri var, mənzil kirayəsi 200 dollardan başlayır, yemək isə əsasən qəpiklədir.
Musavat.com
