Zaqatalada iki nəfəri ilan sancıb, biri ölüb.
Musavat.com lent.az-a istinadən xəbər verir ki, hadisə Yuxarı Çardaxlar kəndində qeydə alınıb.
Məlumata görə, kənd sakini 49 yaşlı Murad Məhəmməd oğlu Qurbanov iyunun 10-da ailəsinə məxsus əkin sahəsində təsərrüfat işləri ilə məşğul olarkən ilan onu sancıb. M.Qurbanov yaxınlarının köməkliyi ilə Zaqatala Rayon Mərkəzi Xəstəxanasına aparılıb. Yaralıya lazımi ilkin tibbi yardım göstərildikdən sonra vəziyyəti ağır olduğundan o, Bakıdakı Kliniki Tibbi Mərkəzin Toksikologiya şöbəsinə göndərilib. Həkimlərin səyinə baxmayaraq, M. Qurbanov ötən gün müalicə aldığı tibb müəssisəsində həyatını itirib.
Bundan başqa, Yuxarı Çardaxlar kəndində bu gün daha bir kişini ilan sancıb.
Xəbərə görə, kənd sakini 34 yaşlı İsmayıl Cuma oğlu Lələyevi yaşadığı evin həyətyanı sahəsində ilan qəfildən sağ ayaq pəncəsindən sancıb. İ.Lələyev Zaqatala Rayon Mərkəzi Xəstəxanasına yerləşdirlib. İ.Lələyevə lazımi ilkin tibbi yardım göstərilib.
Bildirilib ki, yaralının vəziyyəti nəzərə alınaraq müalicəsini davam etdirməsi üçün gün ərazində Bakıdakı Kliniki Tibbi Mərkəzin Toksikologiya şöbəsinə göndəriləcək.
