Xaçmazda minik avtomobili yük maşını ilə toqquşub, beş nəfər xəsarət alıb
Bu gün səhər saatlarında Xaçmaz rayonu ərazisində yol-nəqliyyat hadisəsi baş verib.
ARANTV.AZ-ın verdiyi məlumata görə, qəza Gəndob-Yalama yolunun Xaçmaz ərazisindən keçən hissəsində qeydə alınıb.
“QAZel” markalı yük maşını ilə “Daewoo” markalı minik avtomobilinin toqquşması nəticəsində beş nəfər müxtəlif dərəcəli bədən xəsarətləri alıb. Həmin şəxslər Xaçmaz Mərkəzi Rayon Xəstəxanasına çatdırılıb. Onlara ilkin tibbi yardım göstərildikdən sonra evə buraxılıblar.
Faktla bağlı araşdırma davam etdirilir.APA
