Artıq düşüncələrimizdə yanıldığımızı hiss etdik və belə bir qənaətə gəldik ki, deyəsən bu səhiyyə müəssisəsinin də “dağlarına da qar yağıb”
Bu gün respublikamızın bəzi səhiyyə müəssisələrində yaşanan acınacaqlı durumun varlığı, baş verən haqsızlıqların miqyası, ələlxüsus koronovirus (COVİD-19) pandemiyası ilə bağlı Operativ Qərərgahın qəbul etdiyi qərarlarının saya salınmaması və s. tam əksəriyyətin ən “yaralı yeri” hesab olunur desək, heç də yanılmarıq. Hazırda çoxsaylı problemlərin yaşandığı, özbaşınalığın, süründürməçiliyin, və s. tüğyan etdiyi səhiyyə müəssisələrindən biri də, Bərdə Uşaq xəstəxanasıdır və bu səhiyyə müəssisəsi sanki “kolxoz bazarı”na bənzəyir. Çünki, neçə aylardır ki, ölkəmizin ərazisində koronovirus pandemiyasının varlığı səbəbindən karantin rejimi tətbiq olunsa da, bu gün də Bərdə Uşaq xəstəxanasının girişində spirt qoyulmur, xəstəxanaya daxil olan kənar şəxslərdə temperaturun olub-olmaması yoxlanılmır. Düşündürücü hal odur ki, xəstəxanaya daxil olan kənar şəxslər öz məsuliyyətlərini hiss edib tibbi maskalardan istifadə etsələr də, bu səhiyyə müəssisəsində çalışan tibb bacılarından bəziləri tibbi maskadan istifadə etməyi özlərinə rəva görmürlər. Yəni, redaksiyamıza təqdim olunan video-çəkilişdən də aydın görünür ki, qeyd etdiklərimiz həqiqətlərdir.
Əsində adı çəkilən bu səhiyyə müəssisəsində tibb bacılarından bəzilərinin belə bir “fironluq etmələri”nin kökündə, bu gün Bərdə Uşaq Poliklinikasında baş həkim vəzifəsini, Bərdə Uşaq Xəstəxanasında isə baş həkim əvəzi vəzifəni daşıyan İbrahimov Kamil Cəmil oğlunun yarıtmaz idarəçiliyi durur. Bir anlığa diqqət yetirək ki, Bərdə Uşaq Xəstəxanasında bu cür addımların atılmsı, birbaşa koronovirus infeksiyasının geniş yayılmasına öz təsirini göstərir. Düşündürücü hal odur ki, qeyd olunan xəstəxanada çalışan tibb bacılarından bəziləri ölkə əhalisinin təhlükəsizliyinin təmin olunması yöndə cənab İlham Əliyevin və Operativ Qərərgahın üzvlərinin çağırışlarına, televiziya ekranlarında aparılan təbliğatların əhəmiyyətinə, tanınmış simaların məsləhət və tövsiyyələrinə məhəl qoymadan, məhz bu gün də öz fəaliyyətləri ilə məşğul olurlar. Bəli, indiyə kimi ölkə əhalisinin koronovirus infeksiyasına yoluxmasının qarşısının alınması məqsədilə büdcədən külli miqdarda vəsaitlər ayrılıb, yollarda, ictimai yerlərdə, bir çox istehsal və qeyri-istehsal sahələrində, yaşayış evlərinin həyətlərində və s. qabaqlayıcı zəruri tədbirlər görülüb, Bərdə Uşaq xəstəxanasında isə tələb olunan normalar bu gün də pozulmaqdadır. Deməli, belə bir addımların atılmasına əsas səbəb, baş həkim əvəzi Kamil İbrahimovun reallığı lazımınca qiymətləndirməyi bacarmamasıdır. Maraqlı hal odur ki, redaksiyamıza video-çəkiliş təqdim olunduqdan sonra əməkdaşlarımız Kamil həkimlə əlaqə saxlayıb problemin varlığını ona bildirmək istəsələr də, təəssüflər olsun ki, o, telefon zənglərimizin heç birinə cavab vermədi. Tibb bacıları isə maskalardan niyə istifadə etmirsiniz sualına “maskadan istifadə edən zaman bizi tıncıxma tutur” deyə cavab verirlər.
Bütün bunlar da onu sübut edir ki, hal-hazırda Bərdə Uşaq Xəstəxanasında hər cür anarxiya, özbaşınalıq və qanunsuzluq halları tüğyan etməkdədir. Baş verənləri təhlil etməklə belə bir qənaətə gəlmək mümkündür ki, artıq bu səhiyyə müəssisəsində çalışan tibb bacılarından bəziləri baş həkim əvəzi vəzifəni daşıyan Kamil İbrahimovun “domokl qılıncı”ndan ya ehtiyat etmir, ya da ki, heç bir halda onu saya salmırlar. Deməli, …
Açıqlamada adı çəkilən hər kəsin mövqeyini dinləyə bilərik.
Mövzunu diqqətdə saxlayacağıq.
