Minsk qrupu tədricən yeni formata transformasiya olunur

Rusiya mediası: Nəqliyyat əlaqələrinin bərpası münaqişənin nəticələrinin aradan qaldırılmasına yardım edəcək. Münaqişə ən çox Ermənistana zərbə vurub

Rusiyanın “RİA Novosti” agentliyi Azərbaycan, Rusiya və Ermənistan liderlərinin son Moskva görüşü ilə bağlı maraqlı şərh təqdim edib.

ARANTV.AZ  xəbər verir ki, şərhdə nəqliyyat əlaqəsinin bərpasının tərəflər üçün niyə əhəmiyyət kəsb etməsi analiz edilib. Qeyd edilir ki, razılaşmaya əsasən Ermənistan Rusiya ilə dəmir yolu əlaqəsi əldə edəcək, Azərbaycan isə Ermənistan ərazisi vasitəsilə Naxçıvana birbaşa dəhliz əldə edəcək.  Şərhdə qeyd edilir ki, Rusiya, Azərbaycan və Ermənistan liderləri üçtərəfli formatda görüşüb, daha sonra Rusiya lideri Putin Azərbaycan və Ermənistan liderləri ilə ayrıca görüşüb. Azərbaycan Prezidenti bəyanatın əhəmiyyətini qeyd edib. Bu bəyanat Qafqazda nəqliyyat əlaqəsini bloklamadan çıxaracaq. Nəqliyyat əlaqəsinin bərpasından sonra Azərbaycan Ermənistan ərazisi vasitəsilə Naxçıvanla dəhliz əldə edəcək. Ermənistan Rusiya və İrana, Azərbaycan isə Türkiyə bazarına çıxış əldə edəcək.

“RİA Novosti” yazır: “Əliyev sülhpərvərlik nümayiş etdirdi.  “Ermənistan ilə Azərbaycan arasındakı vəziyyət uzun illər boyu yaranıb və nəticə etibarilə həll edilib. Mən əminəm ki, erməni tərəfi 9 noyabr tarixli Bəyanatı təftiş etmək üçün heç bir cəhd göstərməyəcək, hər iki xalq gələcək barədə və barışıq haqqında fikirləşmək üçün özündə iradə və müdriklik tapacaq”– deyə, Azərbaycan Prezidenti bildirib. İrəvanla münasibətlərin nizamlanmasına Azərbaycan Moskva görüşünə qədər başlayıb. Ötən ilin sonunda məlum oldu ki, Bakı Ermənistanla sərhədə qədər dəmir yolu tikintisinin texniki əsaslandırmasını hazırlayır. Əliyev tikintinin maksimum iki il çəkəcəyini qeyd edib. Bu ilin yanvar ayında isə məlum oldu ki, Azərbaycan Fizuli rayonunda beynəlxalq hava limanı inşa edəcək. Nəqliyyat əlaqələrinin bərpası münaqişənin nəticələrinin aradan qaldırılmasına yardım edəcək. Münaqişə ən çox Ermənistana zərbə vurub. Ermənistan blokadaya bərabər olan situasiyaya düşdü. Sovet vaxtı Ermənistanın əksər yüklər Azərbaycan ərazisi vasitəsilə daşınırdı. Abxaziya məsələsinə görə Ermənistanın vəziyyəti daha da pişləşmişdi. Suxumidən keçən dəmir yolu bağlandı. Türkiyə ilə sərhədlər də bağlı idi. Nəticədə 1992-ci ildə Ermənistanın xarici ticarəti 1990-cı illə müqayisədə 94 faiz aşağı düşmüşdü”. Mənbə yazır ki, Paşinyan Moskva görüşündə hərbi əsirlər məsələsini qaldırıb. Onun ölkəsində isə siyasi fon çox gərgindir. Muxalifər onun istefası tələbi ilə mitinqlər keçirir. Politoloq Avetik İşxanyan isə bildirmişdi ki, baş nazir Moskvada yeni kapitulyasiya sənədi imzalaya bilər. Ermənistanda Qarabağla bağlı imzalanan bəyanatı böyük məğlubiyyət hesab edirlər. Paşinyanın hərbi əsirlər məsələsinin prioritet olmasını deməsi belə, ona kömək etmədi. Erməni siyasətçi Edmon Marukyan qeyd edib ki, ölkənin hakimiyyətyönlü mediası sevinclə bildirirlər ki, yeni razılaşma Ermənistanın Rusiya və İranla dəmir yolu əlaqəsini bərpa edəcək. Amma erməni xalqı hərbi əsirlər məsələsinin həllini gözləyirdi. Amma bu, olmadı.

Rusiyalı ekspert Stanislav Tarasov hesab edir ki, Moskva görüşü çətin diplomatik oyunun sadəcə proloqudur. Konfliktdə olan xalqların psixoloji vəziyyətini ticarət düzəldə bilər. Bütövlükdə region, o cümlədən Ermənistan perspektivdə bu məsələdən qazanacaq. Amma hazırda Ermənistanda ağrılı proses gedir. Ekspert hesab edir ki, Minsk qrupu tədricən yeni – Rusiya, Azərbaycan və Ermənistan üçtərəfli formatına transformasiya olunur.”İki sahil”