Tovuzda bir ailənin 3 üzvü dəm qazından zəhərlənib
Tovuzda zəhərlənmə faktı qeydə alınıb.
APA-nın yerli bürosunun məlumatına görə, hadisə rayonun Qovlar şəhərində qeydə alınıb.
1976-cı il təvəllüdlü Aygün Hüseynova, 1970-ci il təvəllüdlü Ağgül Rüstəmova və 2008-ci il təvəllüdlü Mədinə Hüseynova zəhərlənmə diaqnozu ilə xəstəxanaya yerləşdiriliblər.
Xəstələrə tibbi yardım göstərilib, vəziyyətlərinin kafi olduğu bildirilir.
İlkin məlumata görə, onlar yaşadıqları evdə dəm qazından zəhərləniblər.
