“Sehrli Novruz” mövzusunda rəsm müsabiqəsi
Astara rayon Gənclər və İdman İdarəsinin Rayon Dövlət Rəsm Qalereyası ilə birgə təşkil etdikləri “Sehrli Novruz” mövzusunda gənclər arasında rəsm müsabiqəsi keçirilib.
Rayon Dövlət Rəsm Qalereyasında baş tutan tədbirin açılış mərasimində Rayon Dövlət Rəsm Qalereyasının direktoru Naibə Mustafayeva, Astara Rayon Gənclər və İdman İdarəsinin rəis müavini İqrar Cəfərov müsabiqənin təşkilində məqsəd və vəzifələri, milli adət ənənələrin yaşadılması, eləcə yaradıcı gənclərlə iş sahəsində görülən işlər barədə danışaraq bildiriblər ki, “2015-2025-ci illərdə Azərbaycan gənclərinin İnkişaf Strategiyası” nın 5.2.3 və 5.2.13-cü bəndlərinin icrasını təmini, istedadlı gənc rəssamların aşkar edilməsi, xalqın milli adət ənənələrinə hörmət hissini aşılamaq, Novruz bayramı yaşam fəlsəfəsinin dərk olunması və gələn nəsillərə ötürülməsi, yeniyetmə və gənclərin asudə vaxtlarının səmərəli təşkilindən ibarətdir.
Sonra münsiflər tərəfindən müsabiqədə fərqlənən gənclərin adları elan olunub. Səncərədi kənd tam orta məktəbinin onuncu sinif şagirdi Elvira Fərziyeva müsabiqədə birinci, həmin məktəbin səkkizinci sinif şagirdi Bəyim Həbibzadə ikinci və Burzubənd kənd tam orta məktəbinin beşinci sinif şagirdi Elida Əmirzadə isə üçüncü yerləri qazanıblar.
Qalib gənclər Rayon Gənclər və İdman İdarəsinin diplomları ilə təltif edilib.
Zəfər Orucoğlu,
Azərbaycan Jurnalistlər Birliyinin üzvü
