Müzəffər xalqın möhtəşəm Zəfəri

10  dekabr  2020- ci  il  tarixi  xalqımızın    çox  əsirlik,  zəngin   tarixində  ən  parlaq  hadisələrdən   olan  Zəfər  paradının  keçirilməsi  ilə  yaddaşlarda  qalmışdır. Azərbaycan  Respublikasının  Prezidenti,  Müzəffər  Ali  Baş  Komandan   İlham  Əliyevin  düşmən  təxribatlarına  cavab  olaraq  hücum  əmri   ilə   başlayan  Vətən   Müharibəsi  erməni işğalçıları  və  onların  havadarları  üzərində   xalqımıza   çoxəsrlik  tarixinin  ən böyük  Zəfərini  qazandırdı. Tarixin  müxtəlif  dövrlərində  xalqımızın  qazandığı   qələbələr   indiki  qədər , ümummilli əhəmiyyət  kəsb  etməmişdir. Bakının   Azadlıq   Meydanında keçirilmiş   Zəfər  paradı   Azərbaycanın  Vətən   müharibəsində   əldə   etdiyi   tarixi   Qələbəsinin   rəmzi   olmaqla,   xalqımızın  qan   yaddaşına   əbədi   həkk   olundu.   İkinci  Qarabağ  müharibəsi   Azərbaycanın bütövlüyünün    bərpası   uğrunda  aparılan   mücadilə idi  və  Zəfər  paradı  onun    parlaq  hərbi-siyasi yekunu, möhtəşəm nəticəsi  idi. Məhz  ona  görə də ikinci  Qarabağ   müharibəsi   Vətən müharibəsi adlandırılır. Bu  Zəfərin   memarı   Ali Baş Komandan  Azərbaycan  Respublikasının Prezidenti  İlham Əliyev,  icraçısı isə müzəffər Azərbaycan  əsgəridir.

Dünya  ictimaiyətininn  və  mediasının   diqqətini  cəlb  edən  Zəfər  paradı    Azərbaycan  ordusunun  gücünün    yekun  nümayişi idi . Azərbaycan hərb sənətinin tarixi çox qədim  və keşməkeşli  olubdur .  Xalqımız   əsrlər, minilliklər boyu öz azadlığı və dövlətçiliyi uğrunda   mübarizə   aparıb.   Öz    strateji coğrafi-siyasi mövqeyinə görə  Azərbaycan  torpaqları   hər  zaman   xarici  işğalcıların  təzyiqlərinə,   hərbi   təcavüzünə məruz   qalıb.  Bununla belə xalqımız öz mövcudluğunu qoruyub saxlaya bilib, ən qüdrətli düşmən ordularına qarşı mübarizədə hünər, qəhrəmanlıq nümunələri göstərib.

Azərbaycan  torpaqlarının  işğaldan  azad  edilməsinin  ilkin  təməli  xalqımızın  ümummilli  lideri  Heydər  Əliyev  tərəfindən  qoyulmuşdur.  Ulu  öndər  Heydər  Əliyev bütün beynəlxalq   tribunalardan   Qarabağın  Azərbaycanın   ayrılmaz  hissə  olduğunu  vurğuyalaraq   Azərbaycanın    bütövlüyü  uğrunda  hər  zaman  mübarizə  aparmışdır. Ulu  öndər  Heydər  Əliyev  həmin  dövrün    iqtisadi  çətinliklərini   nəzərə   alaraq   Qarabağ   münaqişəsinin     sülh  yolu  ilə  həlli  olunmasında   böyük  səylər  göstərmişdir. Heydər  Əliyevin  hakimiyyətə  gəldiyi  vaxtdan  yeni  müstəqillik   qazanmış   Azərbaycanın  beynəlxalq  aləmdə  ilk  uğurları  başlamışdır.

30  ilə  yaxın  vətən  həsrəti,  xalqın  məğlub  olması  düşüncələri  hər  bir  Azərbaycanlı  üçün  çox ağır   idi. Müstəqilliyinin  ilk  günlərindən  xalqımızın, dövlətimizin  başına  gətirilən  zülümlər  hamıya  məlumdur. Ulu  öndər  Heydər  Əliyevin   parlaq  zəkası  ilə xilas  edilən  Azərbaycan  xalqı sanki  bir   reinkornasiya  prosesi  keçmişdir. Prezident  İlham  Əliyevin  rəhbərliyi  ilə  dahada  güclənən  Azərbaycan    dünya  ölkələri  arasında  yeni  müstəvidə  qəbul  edilməyə  başlanılmışdır.  Uğurlu   iqtisadi  islahatlar ,  etibalı   tərəfdaşlıq,  mültitikultural  dəyərlər,  texnoloji  innovasiyalar ,  sosial  sabitlik  və  daha  nələr  Azərbaycan  hökümətinin   ən  əsas  silahına  cevrildi,  Azərbaycan  Prezidenti  İlham  Əliyev  hər  zaman  bütün  mötəbər  tribunalarda  haqlı  tərəf    olaraq   qəbul edilmişdir.

Azərbaycan   dövlətinin  ən  başlıca   üstünlüklərindən   biri  dünya  miqyasında   baş    verən  hadisələri,   geosiyasi  vəziyyəti   mövcud  reallığa  uyğun  olaraq    düzgün  qiymətləndirmək  idi.  Bunun  əsas  məğzi   isə   gücün  ədalətdən  üstün  olması  idi. O  güc  ki  dəmir  yumruğa  çevrilərək   düşmənin  belini   qırdı.

Bakının  Azadlıq  meydanında  Zəfər   sevincinə  bürünən  ətraf    tək    azərbaycan  ordusunun  qüdrətinin  göstəricisi  deyildir,  o  həmdə  Azərbaycan  xalqının  torpaq  itkisi  ilə  barışmaz  ruhunun  göstəricisi idi.  Zəfər  paradını  dahada  möhtəşəm  edən  iki  qardaş  ölkə  liderinin  birgə  pardda  iştirakı  idi.  Vaxtı  ilə  Azərbaycan  torpaqları   işğal  edilərkən  məcburi  köçkün  soydaşlarımıza  məxsus  olan  avtomobil  nömrələrini  bir  trofey  kimi  nümaiş  etdirən  mənfur  düşmən,  Zəfər  paradında  özlərinə  məxsus  olmuş  hərbi  texnikalarından   götürülmüş  avtomobil  nömrələrindən  ibarət   “Qarabağ  Azərbaycandır”  stendini  gördülər.  Zəfər  paradı  xalqımızın  qisas  anı idi   və  ölkəmizə  düşmən  kəsilən  hər bir  dövlət  anlamalıdır  ki,  Azərbaycan   xalqı

lazım  olarsa   Bakının  Azadlıq  Meydanında  yeni   Zəfər  Paradları  keçirdə  bilər.

Orxan Baxşəliyev,

YAP Yevlax rayon təşkilatının fəalı.

F.Nəcəfov adına,

Yəldili kənd  tam  orta  məktəbin direktoru.