NAFTALANIN UNUDULMAZ QƏHRƏMANI!
İnsanın ən yüksək mənəvi keyfiyyəti Vətən sevgisi,Vətən eşqidir.Vətəni vətən edən, uğrunda canla-başla vuruşan oğullarıdır.Vətən sadəcə bir ovuc torpaq deyil.Vətən, insanın dünəni,bu günü ,gələcəyidir.
Şəhidlik ən ali,ən özəl rütbədir.Şəhid olmaq,bu mənzilə yüksəlmək hər kəsə nəsib olmaz.Bu gün Azərbaycan müstəqil,hür,suveren dövlətdir.Bunun başında Azərbaycan Respublikasının Prezidenti İlham Əliyev və ordumuz durur.Azərbaycan xalqı olaraqçox sınaqdan keçdik,amma buna baxmayaraq heç bir zaman birlik olmaqdan,mübarizə əzmimizdən əl çəkmədik.Gücümüzü ,qüvvətimizi bir şüar uğrunda-“Qarabağ Azərbaycandır!”birləşdirdik.
Biz bu günlərimizi ömürlərinin ən gözəl çağını,ən gözəl günlərini milləti uğrunda fəda edən oğullarımıza borcluyuq.Azərbaycan xalqını öz ailəsi gözündə görən,vətən uğrunda,torpaq uğrunda vuruşan,savaşan igid qəhrəmanlarımızı heç bir zaman unutmayacayıq.
Ana ,oğlun gəlir səs -küy olmasın,
O gözəl gözlərin yaşla dolmasın.
Ailəm Allaha əmanət qalsın,
Ata ,tək sözün VƏTƏN SAĞOLSUN!!!
24 dekabr 2022-ci il tarixində”Aran Medya Group”-un rəhbərliyi ilə şəhid Fərid Adıgözəlov İlqar oğlunun ailəsi ilə online tədbir təşkil olundu.Tədbirdə şəhidin qardaşı Əsgər Adıgözəlov ,müəllim heyəti,şəhid-qazi ailələri ,məktəblilər iştirk etdilər.
Tədbirdə ilk öncə Vətən müharibəsi şəhidlərinin əziz xatirəsi bir dəqiqəlik sükutla yad edildi,daha sonra Azərbaycan Respublikasının Dövlət Himni səsləndirildi.Beləliklə,tədbir açıq elan olundu.Tədbirin I hissəində Əsgər Adıgözəlov qardaşı,şəhid Fərid Adıgözəlovun uşağlıq ,gənclik illərindən,döyüş yolundan söz açdı.Tədbirin II hissəsində müəllimlərə,məktəblilərə söz verildi.Şagirdlər şəhidlər üçün şeirlərini səsləndirdilər.Son olaraq,Əsgər Adıgözəlov şəhid üçün hazılanmış guşəni tədbir iştirakşçılarına göstərdi.
Fərid Adıgözəlov 8 sentyabr 1992-ci ildə Naftalan şəhərində anadan olmuşdur 1999-2009-cu illərdə İmadəddin Nəsimi adına Naftalan şəhər 1 nömrəli tam orta məktəbdə təhsil almışdır.
Fərid Adıgözəlov 2010-cu ildə Səfərbərlik və Hərbi Xidmətə Çağırış üzrə Dövlət Xidmətinin Naftalan şəhəri üzrə Hərbi Komissarlığı tərəfindən hərbi xidmətə çağırılmışdır. Azərbaycan Silahlı Qüvvələrinin sıralarında, “N” saylı hərbi hissədə xidmət etmişdir. Hərbi xidməti başa vurduqdan sonra mülki fəaliyyətə davam etmişdir.
Fərid Adıgözəlov 2020-ci ildən müddətdən artıq həqiqi hərbi xidmət qulluqçusu kimi xidmət göstərmişdir.
Azərbaycan Ordusunun əsgəri olan Fərid Adıgözəlov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan Vətən müharibəsində tankçı olaraq iştirak etmişdir. Suqovuşanın azadlığı uğrunda gedən döyüşlərdə vuruşmuşdur. Fərid Adıgözəlov 18 oktyabr 2020-ci ildə Tərtər rayonunun Talış kəndi istiqamətində döyüş tapşırığının yerinə yetirilməsi zamanı hərəkətdə olan tankın aşması nəticəsində aldığı xəsarətdən həlak olmuşdur. Doğulduğu Naftalan şəhərində dəfn olunmuşdur.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Fərid Adıgözəlov ölümündən sonra “Vətən uğrunda” medalı ilə təltif edilmişdir.
Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Fərid Adıgözəlov ölümündən sonra “Suqovuşanın azad olunmasına görə” medalı ilə təltif edilmişdir.
Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Fərid Adıgözəlov ölümündən sonra “Cəsur döyüşçü” medalı ilə təltif edilmişdir.
Allah rəhmət etsin!
Layihə:”Aran Media Group” un moderatoru:
Quliyeva Nərmin
