Bərdədə anormal hava şəraiti soğan təsərrüfatına bir sıra xəstəliklər salıb-Vİdeo
Əkin sahələrində soğan yığımı aparılır. Görüntülər Bərdə rayonundandır.
Hər bir xörəyə dad verən bu qida məhsulu ötən illə müqayisədə azdır. Kəndlilər becərdikləri məhsulun satış qiymətindən də razıdırlar.
Aqrotexniki qaydalara uyğun yetişdirilən soğan kəndlinin gözlədiyindən az məhsul verib.Ötən il bir hektar sahədən 50-60 ton məhsul götürülürdüsə bu il bir hektar sahədən 25-30 ton məhsul gözlənilir.Bu il qiymətlər də dəyişib.Ötən ilə nisbətən bahalaşıb.Soğanın bir kiloqramını kəndlilər 35-40 qəpiyə satırdılarsa, bu il bu rəqəmlər 50-55 qəpik arası dəyişir.
Məhsulun alıcısı da var. Təsərrüfat sahibləri soğanı elə yerində satırlar.
Fermerlerin sözlərinə görə, soğan istehsalında yüksək nəticəyə nail olmaq üçün, ilk növbədə, məhsuldar toxumlardan istifadə edilməli və aqrotexniki qaydalara düzgün əməl olunmalıdır. Əkin sahələrinə mineral gübrələrin verilməsi bitkilərin normal böyüməsinə və inkişafına şərait yaradır. Bu il anormal hava şəraiti soğan təsərrüfatına bir sıra xəstəliklər salıb. Bu səbəbdən də məhsuldarlıq aşağı düşüb.
Qeyd edək ki, ölkəmizdə soğan istehsalı daha çox Bərdə, Ağdam, Ağcabədi, Beyləqan və Tərtər rayonlarında həyata keçirilir.
Arantv
