“Gedin, həftəsi 60 min dollara olan aktyorları gətirin”
Əməkdar artist Rafael İsgəndərov sosial şəbəkədə yazılan tənqidlərə cavab verib.
Aktyor bu haqda “İncə səhər” verilişində danışıb. O bildirib ki, tamaşaçılar filmlərdə eyni aktyorların rol almasını tənqid edir:
“Milyon tamaşaçı varsa, milyon fikir var. Əziyyət çəkirik, nəsə ərsəyə gətiririk. Baxırsan, şərhlərdə əziyyəti elə pis yerə vururlar. Nə qədər eyni aktyor olar? Gedin həftəsi 60 min dollara olan türk aktyoru gətirib çəkin. Necə olur, biz həmişəki tamaşaçıdan gileylənmirik. Hər zaman deyirəm ki, mən tamaşaçıya dəyər verirəm. Çünki bizi Allahdan sonra biz edən tamaşaçıdır”. (Axşam.az)
