Rosselxoznadzor Azərbaycan pomidoru, şaftalısı və nektarinində “zərərverici” aşkarlamağa başlayıb

Rusiya Azərbaycana qarşı Rosselxoznadzor kartını işə salıb.

Musavat.com dövlət xidmətinin saytında yerləşdirilən məlumata istinadən xəbər verir ki, 2025-ci il iyulun 1-dən iyulun 7-dək Rosselxoznadzorun Sibir Regionlararası Administrasiyasının müfəttişləri Novosibirsk şəhərindəki müvəqqəti saxlama anbarlarına bitki məhsulları qəbul edilərkən fitosanitar nəzarəti proseduru zamanı Azərbaycan pomidorlarının partiyasında Cənubi Amerika pomidor güvəsi “aşkarlayıblar”.

Bildirilir ki, karantin zərərvericilərindən təsirlənmiş məhsullara qarşı tədbirlər görülüb.

Xidmət həmçinin elan edib ki, iyulun 5-də Krasnodardakı müvəqqəti saxlanc anbarında Azərbaycandan qəbul edilmiş, ümumi həcmi 18 ton olan 2 partiya təzə şaftalı və nektarində karantin obyektinin canlı təsvirləri – westerns.flowerranteclidents (perellaliganscidents) “müəyyən edilib”.

Rosselxoznadzor məhsulların Rusiyaya idxalını qadağan edib.

Qeyd edək ki, Azərbaycanla Rusiya arasında sonuncunun ərazisində yaşayan azərbaycanlılara qarşı qeyri-insani davranışlara görə yaranan soyuqlaşmadan dərhal sonra Rosselxoznadzor ölkəmizdən Rusiyaya ixrac olunan kənd təsərrüfatı məhsullarında “karantin obyektləri” tapmağa başlayıb.

Azərbaycan Dövlət Statistika Komitəsinin hesabatına əsasən bu ilin yanvar-aprel aylarında ölkədən ixrac olunan 60148,11 ton pomidorun 57283,53 tonu Rusiyaya satılıb.