“Rusiya ilə münasibətlərimizdə yarana biləcək problemlər dövlət maraqlarımızın lehinə deyil” – Politoloq
1920-ci ilin aprelində rus ordusu Azərbaycana daxil olub onu işğal etdi.
Bu fikirləri Azərbaycan Prezidenti İlham Əliyev Səudiyyə Ərəbistanının “Əl-Ərəbiyyə” telekanalına müsahibəsində deyib.
Dövlət başçısı 1917-ci ildə Rusiya imperiyasının süqut etməsindən sonra Azərbaycan Xalq Cümhuriyyətinin yaradıldığını diqqətə çatdırıb.
Politoloq Elşən Manafov BiG.AZ-a bildirib ki, Azərbaycan və Rusiya arasında münasibətlər 2022-ci ildə imzalanmış müqavilənin müəyyən etdiyi şərtlər baxımından strateji müttəfiqlik səviyyəsində qurulub və müqavilə hələ də qüvvədədir. Tərəflərdən heç biri onun müəyyən etdiyi müddəaların icrasından rəsmən imtina etməyiblər.Rusiya ilə münasibətlərimizdə yarana biləcək problemlər dövlət maraqlarımızın lehinə deyil:
“Azərbaycanın dövlət müstəqilliyi haqqında konstitusiya aktında ölkəmizin 1920-ci ildə Sovet Rusiyası tərəfindən işğala məruz qalması tarixi fakt olaraq bəyan edilib və 18 oktyabr bizlər üçün dövlət müstəqilliyinin bərpa edildiyi gündür. Müasir Azərbaycan bu anlamda 1918-1920-ci illər Azərbaycan Demokratik Respublikasının siyasi və hüquqi varisidir. Bu baxımdan dövlət başçısının məlum hadisələrə münasibəti dövlətçilik maraqlarından irəli gəlməklə məlum tarixi hadisələrin dövlətimiz və xalqımızın tarixində oynadığı rola münasibətin göstəricisidir.
Azərbaycan və Rusiya arasında münasibətlər 2022-ci ildə imzalanmış müqavilənin müəyyən etdiyi şərtlər baxımından strateji müttəfiqlik səviyyəsində qurulub və müqavilə hələ də qüvvədədir. Tərəflərdən heç biri onun müəyyən etdiyi müddəaların icrasından rəsmən imtina etməyiblər.
Azərbaycana məxsus sərnişin təyyarəsinin Rusiyanın hava məkanında vurulmasından sonra münasibətlərdə yaranmış soyuqluq əlbəttə, əlaqərimizə təsirsiz ötüşməyib. Lakin dövlət başçısı İlham Əliyev qeyd edib ki,rəsmi Bakı təyyarənin Rusiya tərəfindən bilərəkdən vurulması fikrini bölüşmür. Rusiyada azərbaycanlıara,bizdə isə Rusiya vətəndaşlarına münasibətdə hüquq muhafizə orqanlarının gördükləri tədbirlərin qanunvericilik çərçivəsindən kənarda olmasi ilə bağlı qarşılıqlı iddialara gəlincə isə bu faktlar ətrafında prokurorluq orqanları araşdırmaları davam etdirirlər.
Bu günlərdə Azərbaycan və Rusiyanın hökumət səlahiyyətliləri arasında (görüşdə Azərbaycanı və Rusiyanı müvafiq olaraq baş nazirlərin müavinləri Ş.Haqverdiyev və Overçuk təmsil etmişlər)Həştərxanda baş tutmuş görüşdə tərəflər ölkələrimiz arasında ticari münasibətlərin genişləndirilməsi,xarici işlər nazirləri C.Bayramov və S.Lavrov arasında baş tutmuş telefon danışığında isə regionun nəqliyyat loqistika problemlərinin müzakirələri göstərir ki,tərəflər istər ikitərəfli,istərsə də regional səviyyədə münasibətlərin qarşılıqlı faydalı iş prinsipləri üzərində bundan sonra da davamında maraqlıdırlar.Rusiya Azərbaycanın şimal qonşusudur,ölkəmiz üçün nəhəng əmək resurslarına ,habelə kənd təsərrüfatı məhsullarının ixracına görə cəlbedici ölkədir,ticari münasibətlərdə gəlirin ümumi məbləğı göstərir ki,biz Rusiyaya daha çox mal satıb qazanırıq, nəinki Rusiya.Bununla belə Azərbaycan beynəlxalq tranzit əhəmiyyətə malik yolların üzərində yerləşir və bu baxımdan Rusiyanın istər Şimal-Cənub,istərsə də Zəngəzur dəhlizi vasitəsilə Azərbaycanla loqistik münasibətlərin genişləndirilməsinə marağı anlaşılandır.
Hazırda bölgə ətrafında geosiyasi məzmun kəsb edən oyunların mahiyyət etibarı ilə yeni bir mərhələyə daxil olduğu şəraitdə rəsmi Bakı bütün maraqlı tərəflərlə münasibətlərin qarşılıqlı faydalı əməkdaşlıq müstəvisi uzərində davam etdirilməsində maraqlıdır. Bu baxımdan Rusiya ilə münasibətlərimizdə yarana biləcək problemlər dövlət maraqlarımızın lehinə deyil”.
