Kəlbəcərdə möhtəşəm atəşfəşanlıqVİDEO
25 noyabr Kəlbəcər Şəhəri Günü münasibətilə Prezidentin Kəlbəcər üzrə Xüsusi Nümayəndəliyinin və Mədəniyyət Nazirliyinin təşkilatçılığı ilə bir sıra ictimai, mədəni-kütləvi tədbirlər keçirilib.
Musavat.com-un Kəlbəcər Şəhərinə ezam olunmuş əməkdaşı xəbər verir ki, Kəlbəcəri Şəhəri günü Kəlbəcər şəhərində “Kəlbəcər- obyektivdən tarixə” Foto sərgisi keçirilib.
Eyni zamanda Kəlbəcərdə “Yaddaş”-Azərbaycan Milli Xalça Muzeyinin sərgisi, “Kəlbəcərin palitrası” rəsm sərgisi, Rəsm ustad dərsləri, Ənənəvi sənətkarlıq sərgisi reallaşdırılıb.
Bundan başqa Kəlbəcər şəhər meydanında Gəncə Dövlət Milli Dram Teatrının xronometraj tamaşası, İncəsənət xadimlərinin iştirakı ilə Konsert proqramı da keçirilib.
Prezidentin Kəlbəcər rayonunda xüsudi nümayəndəsi Bəşir Hacıyev çıxış edərək Kəlbəcərin azadlığının beşinci ildönümünün tarixi hadisə olduğundan və Kəlbəcərdəki quruculuq işlərindən danışıb.
Bayram əhvallı tədbirin sonunda Kəlbəcər rayonunun erməni işğalından azad olunmasının beşinci ildönümü-Kəlbəcər şəhəri Günü münasibətilə şəhər meydanında atəşfəşanlıq olub
Etibar Seyidağa,
Musavat.com
