Paşinyan Putini LAĞA QOYDU, Rusiyadan İrəvana HƏDƏ, Azərbaycana TƏŞƏKKÜR GƏLDİ– Nə BAŞ VERİR?
Rusiya və Qazaxıstan yüklərinin Azərbaycan və Gürcüstan vasitəsilə Ermənistana dəmir yolu ilə daşınması bütün tərəflər üçün faydalıdır və bu, daşınmaların sayının getdikcə artması ilə öz təsdiqini tapır.
Musavat.com xəbər verir ki, bu barədə Rusiya baş nazirinin müavini Aleksey Overçuk TASS agentliyinə müsahibəsində bildirib.
Onun sözlərinə görə, Rusiya və Qazaxıstan yüklərinin Azərbaycan və Gürcüstan ərazilərindən keçməklə Ermənistana çatdırılması barədə razılıq cəmi bir neçə gün ərzində əldə olunub:
“Otuz ildən sonra ilk dəfə Ermənistana dəmir yolu ilə gələn ilk taxıl yükü Rusiyaya məxsus idi. Hazırda gübrələrin daşınmasına başlanılıb və yüklərin çeşidi genişlənir. Bu, hər kəs üçün – Rusiya, Azərbaycan, Ermənistan və Gürcüstan üçün sərfəlidir. Hamı üçün yeni gəlir mənbəyi yaranıb və Rusiyanın buna birbaşa aidiyyəti var”.
Rusiya rəsmisi vurğulayıb ki, ölkə hökuməti region dövlətləri arasında ticarətin inkişafında və yük axınının artırılmasında maraqlıdır.
“Biz Avrasiya İqtisadi İttifaqının (Aİİ) üzvü olan dövlətin blokadadan çıxarılması məsələsində göstərdikləri konstruktiv və səmərəli əməkdaşlığa görə Azərbaycan və Gürcüstana minnətdarıq”, – deyə A.Overçuk əlavə edib.
Ermənistanla Kollektiv Təhlükəsizlik Müqaviləsi Təşkilatı arasında yaranmış gərginlik yenidən gündəmə gəlib.
Musavat.com xəbər verir ki, Ermənistanın baş naziri Nikol Paşinyan ölkəsinin təşkilatın fəaliyyətində iştirak etməməsinin əsas səbəbini açıqlayıb. Onun sözlərinə görə, rəsmi İrəvan erməni cəmiyyətinə KTMT-nin Qarabağ məsələsində niyə müdaxilə etmədiyini izah etməkdə çətinlik çəkir.
Paşinyan bildirib ki, məhz bu məsələ Ermənistan daxilində təşkilata qarşı etimadsızlığı artırıb və siyasi narazılıq yaradıb.
Mövzu ilə bağlı danışan Rusiya prezidenti Vladimir Putin isə fərqli mövqe ortaya qoyub. O qeyd edib ki, Ermənistan 2022-ci ildə Praqa görüşündə Qarabağın Azərbaycanın tərkib hissəsi olduğunu tanıyıb.
Putinin sözlərinə görə, bu qərardan sonra Qarabağ məsələsi artıq Azərbaycanın daxili işi kimi formalaşıb və belə bir vəziyyətdə KTMT-nin prosesə müdaxiləsi “tamamilə qeyri-korrekt” sayılır.
Gündəmdəki bir çox xəbərləri bu gün saat 11.00-də aparıcı Sevinc Telmanqızının təqdimatındakı “Canlı debat” verilişində izləyə bilərsiz. Qonağımız hərbi ekspert Üzeyir Cəfərovdur. Müzakirədə tamaşaçılarımız da iştirak edə bilər.
Youtube səhifəsinin ünvanı:
