Azərbaycanda parnik qazı tullantıları azaldılacaq
Azərbaycanın enerji potensialı əhəmiyyətli dərəcədə möhkəmlənib və coğrafi mövqeyi də buna əlverişli şərait yaradır.
ARANTV.AZ Trend-ə istinadən bildirir ki, Energetika Nazirliyi yanında Enerji Məsələlərinin Nizamlanması Agentliyinin İdarə Heyətinin sədri Samir Axundov deyib.
O bildirib ki, Azərbaycanın külək enerjisi potensialı 3 min meqavatt, günəş enerjisi potensialı 20 min meqavatt həcmində qiymətləndirilir:
“Azərbaycan öz üzərinə dekarbonizasiya ilə bağlı öhdəliklər götürüb. Biz BMT-nin Ekologiya sazişinə qoşulan və Paris iqlim sazişini imzalayan ölkələrdən biriyik”.
S.Axundov bildirib ki, Azərbaycan ətraf mühitə parnik qazı həcminin yalnız 0,11 faizini buraxır:
“Azərbaycan hökuməti 2030-cu ilədək parnik qazı tullantılarını 30 faiz azaltmaq öhdəliyini götürüb”.
