Azərbaycan Prezidenti İlham Əliyevin elan etdiyi “Nizami Gəncəvi ili” və “Vaqif Poeziya Günləri” nin bərpa olunması şeir sənəti üçün əlamətdar hadisələrə çevriləcək.
Bu barədə şair və ssenari müəllifi, Azərbaycan Yazıçılar Birliyinin üzvü, “Şöhrət” ordeni kavaleri (sahibi), əməkdar incəsənət xadimi Baba Vəziroğlu Trend Life-a müsahibəsində deyib.
“Nizami Gəncəvi və Molla Pənah Vaqifin böyük yaradıcılığı bəşəriyyət tarixi üçün yüksək fəlsəfi məna daşıyan, humanizm, vətənpərvərlik, vətənə sevgi fikirlərini təbliğ edən ali dəyərlərlə əhatə olunmuşdur. Azərbaycan Prezidenti İlham Əliyev ulu öndər Heydər Əliyevin təməlini qoyduğu mədəniyyətə və sənətə, bu sahənin nümayəndələrinə, tariximizin görkəmli şair və yazıçılarına diqqət yetirərək xüsusi qayğı ənənələrini davam etdirir. Azərbaycanın Birinci vitse-prezidenti, Heydər Əliyev Fondunun prezidenti Mehriban xanım Əliyevanın milli mədəniyyət və incəsənətin inkişafında və dünyada təbliğində səmərəli fəaliyyətinidə vurğulamaq vacibdir” – Baba Vəziroğlu bildirib.
Şairə Azərbaycanın lideri, ulu öndər Heydər Əliyevin, məşhur mədəniyyət və sənət xadimlərinin iştirakı ilə 1982-ci il yanvarın 14-də Şuşada baş tutan Vaqif Məqbərəsinin təntənəli açılışında, eləcə də “Vaqif poeziyası günləri”ndə iştirak etmək qismət olub.
“O illərdə mən M. Qorki adına Moskva Ədəbiyyat İnstitutunun tələbəsi (qiyabi), Azərbaycan Yazıçılar Birliyinin ədəbi əsərlərinin təbliği bürosunun təlimatçısı və Mədəniyyət nazirinin köməkçisi Mirzə İbrahimovun köməkçisi idim. Ulu öndər Heydər Əliyev bu tədbirlərə ailəsi, həyat yoldaşı Zərifə Əliyeva və indi hörmətli Prezidentimiz oğlu İlham Əliyev ilə gəlmişdi. Vaqif məqbərəsinin açılışında bütün poetik elita iştirak edirdi, bunların arasında Süleyman Rüstəmov, Nəbi Xəzri, Cabir Novruzov, mədəniyyətin digər sahələrinin nümayəndələri də var idi. Qış idi və qar yağırdı, ətrafdakı hər şey o qədər gözəl idi ki, iştirakçıların hər biri özünü xoşbəxt insan hiss edirdi. Və həmin ilin yayında ənənəvi hala gələn “Vaqif şeir günləri” keçirildi. Əvvəlcə şairə, son Qarabağ xanı Mehtiguli xan qızı Xurşidbanu Natəvanın qızı büstünün açılışında iştirak etdik, sonra Cıdır düzendə sənət ustalarının və gənc istedadların iştirakı ilə böyük bir konsert proqramı təqdim olundu. Bir neçə gün ərzində bütün Şuşa şəhəri şairlərin, yazıçıların, müğənnilərin, musiqiçilərin, müxtəlif qrupların, başqa respublikalardan gələn qonaqların çıxış etdiyi böyük bir bayram meydanı idi. Üstəlik, yalnız şeir gecələri deyil, həm də konsert proqramları təşkil edildi. Bundan sonrakı “Vaqif Poeziya Günləri”ndə də iştirak etdim – bunlar yalnız Şuşada deyil, digər şəhərlərdə də keçirilən milli mədəniyyət və sənət bayramları idi” – Baba Vəziroğlu deyib.
Şairin sözlərinə görə, 30 ilə yaxın erməni işğalından Azərbaycan torpaqlarını qurtarmaq tək məhv edilmiş infrastrukturun bərpası baxımından deyil, həm də mədəni dirçəlişə yeni bir nəfəs verəcəkdir.
“Bildiyiniz kimi, ermənilər əvvəllər işğal olunmuş torpaqlarda bir çox memarlıq və mədəniyyət abidələrini dağıtdılar, milli irsimizə xeyli ziyan vurdular. Ancaq uzun illər işğal və Qarabağ müharibəsi nəticəsində böyük ziyanlardan sonra azad edilmiş ərazilərin bərpasına qoyulan nəhəng vəsaitlərə baxmayaraq, dövlətimiz üçün prioritetlərdən biri mədəniyyət və incəsənətin inkişafı və təbliğidir. Bu il bir çox mədəni layihələr də həyata keçiriləcək, yubileylər qeyd olunacaq və müxtəlif tədbirlər keçiriləcəkdir. Əlbətdə ki, koronavirus pandemiyası ilə əlaqədar təhlükəsizlik məsələləri mütləq nəzərə alınacaqdır. Və sonda böyük sərkərdə və şair, Səfəvi dövlətinin qurucusu, Azərbaycan ədəbiyyatının klassiki Şah İsmayıl Xətai haqqında tarixi bir misal gətirmək istəyirəm. Bir dəfə, döyüş əməliyyatları dövründə vəzirləri ona iqtisadiyyatdan orduya qədər hər şeyin təmin edildiyi xərclər barədə hesabat gətirirlər. Vəzirləri dinlədikdən və hesabata baxdıqdan sonra Şah İsmayıl Xətai soruşdu: “Niyə əsas xərc maddəsini – mədəniyyət haqqında bir şey görmədim?” Vəzirlər cavab verdilər: “Müharibə və iqtisadi problemlərin çox olduğu bu gündə mədəniyyət məsələləri vacibdir mi? Biz yeni bir dövlət qururuq”. Bu zaman Şah İsmayıl Xətai dedi: “Bünövrəsində mədəniyyət yoxdursa bu dövlət kimə lazımdır?” Hər bir ölkə və xalq öz mədəniyyətinə görə qiymətləndirilir. Buna görə dövlətimizin fəaliyyəti sayəsində qədim və zəngin Azərbaycan mədəniyyəti bu gün hamımızın qürur duyduğumuz bütün dünyada tanınır! “, – Baba Vəziroğlu əlavə edib.
