İran ABŞ tərəfindən münaqişənin nizamlanması üçün təklif olunan 15 bəndlik planı qəbul edə bilməyəcəyini Pakistan tərəfinə bildirib.
Musavat.com xəbər verir ki, bu barədə məlumatı “Hizbullah”a yaxınlığı ilə tanınan Livanın “Al Mayadeen” telekanalı yayıb.
Mənbənin verdiyi məlumata görə, rəsmi Tehran Vaşinqtonun şərtlərini “qəbuledilməz” hesab edib.
Sözügedən sənəddə İran qarşısında bir sıra ağır tələblər qoyulub.
Plana əsasən, Tehran aşağıdakı addımları atmalı idi:
-
Üç əsas nüvə obyektinin fəaliyyətinin dayandırılması;
-
Uranın zənginləşdirilməsindən tamamilə imtina edilməsi;
-
Raket proqramının dondurulması;
-
Regional proksi-qruplara dəstəyin məhdudlaşdırılması;
-
Hörmüz boğazının tam açılması.
Buna baxmayaraq, İran tərəfi bu şərtlərin ölkənin suverenliyinə və təhlükəsizlik maraqlarına zidd olduğunu vurğulayaraq təklifləri geri çevirib.
